შეიძლება ითქვას, რომ ჩემპიონთა ლიგის ჯგუფური ეტაპის მეოთხე ტურის ცენტრალური დაპირისპირება დღეს, 00:00 საათზე "ჯუზეპე მეაცაზე" დაიწყება, სადაც ადგილობრივი ინტერი მადრიდის რეალს უმასპინძლებს.

როგორც უკვე გაუწყეთ, "სამეფო კლუბი" აღნიშნულ შეხვედრას საკმაოდ დიდი დანაკლისით ხვდება. მათ რამდენიმე ლიდერი და გუნდისთვის მნიშვნელოვანი მოთამაშე დააკლდებათ. მათ შორის კაპიტანი სერხიო რამოსი და კარიმ ბენზემა. მილანელებსა და მადრიდელებს შორის გამართულ პირველ დაპირისპირებაში, რომელიც ესპანეთში გაიმართა, ზინედინ ზიდანის დარიგებულმა რეალმა 3–2 იმარჯვა და უმნიშვნელოვანესი ქულები ჩაიწერა აქტივში.

ამ მომენტისთვის B ჯგუფს გლადბახი ლიდერობს. გერმანელებს ხუთი ქულა აქვთ, ხოლო მეორე და მესამე ადგილს, თანაბარი 4–4 ქულით შახტარი და რეალი ინაწილებენ. "ნერაძურის" ანგარიშზე კი ორი ქულა და ბოლო ადგილია. ეს კი იმას ნიშნავს, რომ ანტონიო კონტეს გუნდისთვის დღეს გამარჯვება სასიცოცხლოდ მნიშვნელოვანია, რადგან მარცხის შემთხვევაში, შესაძლოა ისინი ჯგუფში ჩარჩნენ.

💥✨ ¡Calidad de @Casemiro! #HalaMadrid | #RMUCL pic.twitter.com/mhmvCqpn7b
— Real Madrid C.F. (@realmadrid) November 24, 2020

ზინედინ ზიდანი: "ჩვენ ძალიან ბევრს ვმუშაობთ, რათა გავაუმჯობესოთ თამაშის ხარისხი როგორც დაცვაში, ასევე შეტევაში. ფეხბურთში არის მომენტები, როცა შენ უფრო ძლიერი ხარ, ვიდრე გარკვეული პერიოდის წინ იყავი, ზოგჯერ კი პირიქით. ასეთი რამ ალბათ ახლა ჩვენს გარშემო ხდება, თუმცა ასეთ სიტუაციაში მხოლოდ ჩვენ არ ვართ.

ინტერის წინააღმდეგ გამართულ მატჩში, ვფიქრობ გარდამავალი უპირატესობა არცერთ გუნდს არ ჰქონია. თანაბარი მატჩი იყო ბევრი საგოლე მომენტით, თუმცა დიდმა მონდომებამ გამარჯვება ჩვენ მოგვიტანა. ფეხბურთში ყველაფერი შეიძლება მოხდეს, მაგრამ ჩვენი მიზანი ყოველთვის არის გამარჯვება."

კაზემირო: "ინტერს შესანიშნავი ფეხბურთელები ჰყავს. მენტალურად ჩვენ ძალიან ძლიერები ვართ. სრულად ფოკუსირებულნი ვართ გოლის გატანაზე და გამარჯვებაზე. ვიცით, რომ საკმაოდ რთულ ჯგუფში გვიწევს გამოსვლა. ჯერ კიდევ არის შანსი, რომ პირველები ვიყოთ. ჩავატარეთ შესანიშნავი მატჩი ბრწყინვალე გუნდის – ინტერის წინააღმდეგ და მაქსიმალურად ვეცდებით, რომ ეს ყველაფერი ახლა მილანშიც გავიმეოროთ".

⚽ | TRAINING

Working on the details ahead of #InterReal 💪

📸👉 https://t.co/oQgpR3nCxR #UCL pic.twitter.com/ByyhdqEri5
— Inter (@Inter_en) November 24, 2020

ანტონიო კონტე: "ჩვენ ამ სეზონში, წინა წლისგან განსხვავებით უკვე ბევრი რამ დავხვეწეთ. მათ შორისაა ბურთის ფლობის უპირატესობა, რომელიც წინა სეზონთან შედარებით გავზარდეთ, მაგრამ ამავდროულად მეტოქეებს ჩვენს კართან ბევრი შანსის შექმნის საშუალებას ვაძლევთ და ამ კომპონენტში ჯერ კიდევ გვაქვს სამუშაო. აუცილებელია, რომ ყველა დონეზე გავიზარდოთ თუ გვსურს, რომ ვიყოთ კონკურენტუნარიანები.

ახლა ვდგავართ იმ რეალობის წინაშე, როცა უნდა მოვიგოთ თამაში და მივიღოთ კარგი შედეგი. სხვა გზა არ არსებობს. დარჩენილია სამი თამაში და მინიმუმ შვიდი ქულის მოპოვება გვჭირდება. ალბათ ეს ყველაზე რთული ჯგუფია. ვფიქრობ, რომ უფრო მეტს ვიმსახურებთ, ვიდრე ის შედეგი, რომელიც ახლა გვიფიქსირდება."

სავარაუდო შემადგენლობები:

ინტერი: ჰანდანოვიჩი, შკრინიარი, დე ვრეი, ბასტონი, ვიდალი, გალიარდინი, პერისიჩი, ბარელა, ჰაკიმი, მარტინესი, ლუკაკუ.

დანაკლისი: სენსი, ვეჩინო, კოლაროვი, ბროზოვიჩი.

რეალი: კურტუა, კარვახალი, ვარანი, ფერნანდესი, მენდი, მოდრიჩი, კროოსი, კაზემირო, აზარი, დიასი, როდრიგო.

დანაკლისი: რამოსი, ბენზემა, ვალვერდე, იოვიჩი, მილიტაო, ოდრიოზოლა.

პრევიუ – ინტერი VS რეალი

ჩემპიონთა ლიგა გრძელდება

დღის ცენტრალური დაპირისპირება

ასევე იხილეთ

უახლესი ამბები