ევროპა ლიგის ჯგუფური ეტაპის მე-5 ტურის მატჩში, ნიცამ ლევერკუზენის ბაიერს უმასპინძლა და მინიმალური სხვაობით - 2:3 დამარცხდა.

შეხვედრის დაწყებამდე არასასიამოვნო ფაქტს ჰქონდა ადგილი. ფრანგული კლუბის გულშემატკივრებმა, პროტესტის ნიშნად, საყვარელი გუნდის ავტობუსს გზა გადაუკეტეს და სტადიონის ტერიტორიაზე შესვლის საშუალებას არ აძლევდნენ.

ფანები კლუბში მიმდინარე მოვლენებით, ფეხბურთელების თამაშითა და მთავარი მწვრთნელის, პატრიკ ვიეირას მუშაობით უკმაყოფილონი არიან და ცდილობდნენ, რომ ლევერკუზენთან მატჩი ჩაეშალათ, თუმცა, საბოლოოდ ავტობუსმა დანიშნულების ადგილს მიაღწია და მატჩიც შედგა, რომელიც ნიცასთვის ისევ წარუმატებლად დასრულდა.

ევროპა ლიგის ჯგუფში, ხუთი ტურის შემდეგ, ნიცას 4 წაგება აქვს და სამი ქულით მესამე ადგილზე იმყოფება, რაც იმას ნიშნავს, რომ ჯგუფიდან გასვლის შანსი დაკარგული აქვს.

რაც შეეხება ლიგა 1-ს, "არწივებს" სახარბიელო მდგომარეობა არც საფრანგეთის ჩემპიონატში აქვთ. 11 ტურის შემდეგ, ნიცას 17 ქულა აქვს და სატურნირო ცხრილში მე-11 ადგილს იკავებს. პატრიკ ვიეირას გუნდს ყველა ტურნირის ეგიდით უკვე 5-მატჩიანი წაგებათა სერია აქვს.

VIDEO ნიცას გულშემატკივრები მატჩის ჩაშლას ცდილობდნენ

ნიცა 2:3 ლევერკუზენი

ასევე იხილეთ

უახლესი ამბები