ავტორიტეტული გამოცემა France Football-ის ინფორმაციით ზაფხულის სატრანსფერო ფანჯარაზე მადრიდის რეალის მთავარი სამიზნე პსჟ-ს ფრანგი შემტევი კილიან მბაპე იქნება.

ფრანგული გამოცემა ამბობს, რომ ესპანელებს ახალგაზრდა ტალანტის გადაბირება 280 მილიონ ევროდ სურთ, რაც მსოფლიო ფეხბურთის აბსოლუტური რეკორდი იქნება (მიმდინარე 222 მილიონი ნეიმარს ეკუთვნის).

პარიზულ გუნდს, ფულის პრობლემა ნამდვილად არ აქვს, თუმცა შესაძლოა საქმეში ფინანსური ფეირ პლეი ჩაერთოს, ამ მხრივ კი მათ ნამდვილად რთული მდგომარეობა აქვთ და ბალანსის დასაცავად რომელიმე ლიდერს აუცილებლად უნდა შეელიოს. სწორედ ამ სიტუაციის გამოყენებას აპირებს რეალი, თუ მბაპეს საკითხი ჩიხში შევიდა ფრანგების მეორე ლიდერ ნეიმარზე გადაერთვებიან.

შეგახსენებთ, რომ კილიან მბაპე პსჟ-ში მონაკოდან 2017 წელს თითქმის 180 მილიონი ევროს სანაცვლოდ გადავიდა და გუნდის რიგებში ჩატარებულ 50 მატჩში 39 გოლი გაიტანა.

რეალი პსჟ-ს ლიდერში 280 მილიონს იხდის

უახლესი ამბები