ევრო 2022-ის საკვალიფიკაციო ჯგუფური ეტაპის პირველ შეხვედრაში, საქართველოს ფუტსალის ნაკრები, სტუმრად საფრანგეთს ნაკრებს დაუპირისპირდა და ფრედ, 4-4 ითამაშა.

მატჩის მეორე წუთზე, რამირესმა პენალტით ანგარიში გახსნა. ნახევარ წუთში, ბარბოსამ ანგარიში გაათანაბრა. შეხვედრის მერვე და მეათე წუთებზე, რონინიომ და ელისანდრომ საქართველოს ნაკრების უპირატესობა ორბურთიანი გახადეს.

მიუხედავად სტუმართა ორბურთიანი ჰანდიკაპისა, მასპინძლებმა შეძლეს და პირველივე ნახევარში წინ გავიდნენ. მე-17 წუთზე, ალამ პენალტი გამოიყენა, ხოლო მეოცე წუთის დასაწყისსა და მიწურულს, მოჰამედმა დუბლი მიითვალა.

შეხვედრის საბოლოო ანგარიში, 32-ე წუთზე საიოტიმ დააფიქსირა და ჩვენს გუნდს ქულა მოუტანა.

საქართველოს ფუტსალის ნაკრები, 2022-ის საკვალიფიკაციოს ჯგუფში, საფრანგეთისა და რუსეთის ნაკრებებთან ერთად მოხვდა. შემდეგ შეხვედრას ჩვენი ნაკრები, 2 თებერვალს, თბილისში, რუსეთის ნაკრების წინააღმდეგ გამართავს.

უხვგოლიანი ფრე საფრანგეთში

საქართველოს ფუტსალის ნაკრებმა საკვალიფიკაციო ჯგუფური ეტაპის პირველი მატჩი გამართა

უახლესი ამბები