სპორტული ეკიპირების მწარმოებელმა კომპანია ადიდასმა, კატალონიის ბარსელონას თავდამსხმელისთვის, ლიონელ მესისთვის ახალი ბუცები შეკერა.

ადიდასმა ახალი ბუცები არგენტინელი ფორვარდის მიერ, პელეს რეკორდის დამყარების აღსანიშნავად გამოუშვა.

შეგახსენებთ, რომ ლეო მესიმ ლა ლიგის მე-15 ტურის მატჩში, ვალიადოლიდის წინააღმდეგ გამოიჩინა თავი, მან კატალონიური კლუბის რიგებში 644-ე გოლი გაიტანა და ერთი კლუბის მაისურით გატანილი გოლების რაოდენობით პელეს (643 გოლი სანტოსში) რეკორდი გააუმჯობესა.

"ლა პულგამ" "ლურჯ - ბროწეულისფერთა" რიგებში 451 გოლი ლა ლიგაში გაიტანა, ჩემპიონთა ლიგაზე - 118, ესპანეთის სამეფო თასზე - 53. ხოლო, სხვადასხვა ტურნირებზე, როგორიცაა ესპანეთის სუპერთასი, ევროპის სუპერთასი და მსოფლიოს საკლუბო ჩემპიონატი, მას ჯამში 22 გოლი აქვს გატანილი.

მიმდინარე სეზონში, 6-გზის "ოქროს ბურთის" მფლობელს ესპანეთის ჩემპიონატში შვიდი გოლი აქვს გატანილი და საუკეთესო ბომბარდირს, ხერარდ მორენოს ერთი ზუსტი დარტყმით ჩამორჩება. ასევე, მესის უეფას ჩემპიონთა ლიგის მიმდინარე გათამაშებაში სამი გოლი უგროვდება.

ადიდასმა ლეო მესისთვის ახალი ბუცები შეკერა

მესი ახალი ბუცებით ითამაშებს

უახლესი ამბები