მარიო ჰერმოსო და მისი ესპანიოლი მიმდინარე სეზონის ნამდვილი აღმოჩენები არიან. კატალონიური კლუბი ლა ლიგაში მეორე ადგილს იკავებს, ხოლო ახალგაზრდა ესპანელი მცველი ლუის ენრიკემ ნაკრებშიც კი გამოიძახა.

არაა გასაკვირი, რომ მადრიდის რეალი ჰერმოსოს შეძენით არის დაინტერესებული. მარიო კასტილიას აღზრდილია და ესპანიოლს გასულ სეზონში შეუერთდა. 22 წლის ცენტრალური მცველის ყიდვა მადრიდულ გრანდს სულ რაღაც 7,5 მილიონ ევროდ შეუძლია.

ესპანიოლის პოზიცია მარტივი და ცხადია. მიმდინარე სეზონში წარმატებული გამოსვლა დიდწილად მარიო ჰერმოსოს და ახალგაზრდა ფორვარდის, ბორხა იგლესიასის შესანიშნავი თამაშის დამსახურებაა. კატალონიურ კლუბს გუნდის ერთ-ერთ ლიდერის გაყიდვა არ სურს.

მიუხედავად ამისა, მადრიდულ გრანდს ჰერმოსოს დაბრუნება კონტრაქტში ჩადებული პუნქტის მიხედვით შეუძლია. MARCA-ს ცნობებით, გადაწყვეტილი ჯერ კიდევ არაფერია, თუმცა თუ ყველაფერი ასე გაგრძელდა, იანვარში მარიოს რეალის ფორმით ვიხილავთ.

შეგახსენებთ, რომ მადრიდულმა გრანდმა მსგავსი რამ მარკო ასენსიოს და კიკო კასილიას შემთხვევაშიც განახორციელა. ვალიეხოს სრულ გამოჯანმრთელებამდე მადრიდელებს ცენტრალური მცველი ნამდვილად ესაჭიროებათ და, ფასის გათვალისწინებით, მარიო ჰერმოსო საუკეთესო ვარიანტია.

MARCA: რეალი ჰერმოსოს დაიმატებს

უახლესი ამბები