იტალიელი ჟურნალისტი და საფეხბურთო ტრანსფერების მიმომხილველი, ნიკოლო სკირა იტყობინება, რომ რეალ ბეტისი ლონდონის არსენალთან სოკრატის პაპასტატოპულოსის ტრანსფერთან დაკავშირებით მოლაპარაკებებს აწარმოებს.

წყაროს ცნობით, ანდალუსიურ კლუბს ბერძენი მცველისთვის კონტრაქტიც მზად აქვს. იმ შემთხვევაში თუ მხარეები ფეხბურთელის ტრანსფერზე შეთანხმებას მიაღწევენ, სოკრატისი ბეტისთან 2,5 წლიან კონტრაქტს გააფორმებს, რომელიც ძალაში 2023 წლის ზაფხულამდე იქნება.

პაპასტატოპულოსმა პროფესიონალური საფეხბურთო კარიერა 2005 წელს, ათენის აეკში დაიწყო, რის შემდეგაც მან ჯენოას, მილანის, ბრემენის ვერდერისა და დორტმუნდის ბორუსიას შემადგენლობაში ითამაშა.

#Betis are in advanced talks to sign Sōkratīs #Papastathopoulos from #Arsenal. Ready a contract until 2023. #transfers #AFC
— Nicolò Schira (@NicoSchira) January 12, 2021

სოკრატისი არსენალს 2018 წლის ზაფხულში შეუერთდა და ლონდონური კლუბის მაისურით, ყველა ტურნირის ეგიდით გამართულ 69 შეხვედრაში ექვსი გოლი გაიტანა. რაც შეეხება მიმდინარე სეზონს, 32 წლის ფეხბურთელს ჯერჯერობით არცერთ მატჩში მიუღია მონაწილეობა.

ბერძენ მცველს "მეთოფეებთან" მოქმედი ხელშეკრულება მიმდინარე წლის 30 ივნისამდე აკავშირებს. Transfermarkt-ი კი ფეხბურთელის საბაზრო ღირებულებას 4 მილიონ ევროდ აფასებს.

2008 წლიდან სოკრატისი საბერძნეთის ნაკრების წევრია და ეროვნული გუნდის მაისურით ჩატარებულ 90 მატჩში სამი გოლი აქვს გატანილი.

ბეტისს სოკრატისის გადაბირება სურს

მოლაპარაკებები მიმდინარეობს

ბეტისს ბერძენი მცველისთვის კონტრაქტი მზად აქვს

უახლესი ამბები