რომას ნახევარმცველმა, ჰენრიხ მხითარიანმა იტალიურ მედიასთან საუბრისას აღნიშნა, რომ კლუბში თავს ბედნიერად გრძნობს და ისიც დაადასტურა, რომ უახლოეს მომავალში კონტრაქტის გახანგრძლივებაზე მოლაპარაკებებს დაიწყებს.

"რომას ჩემი სჯერა და იქიდან გამომდინარე თუ როგორ ვთამაშობ, შეამჩნევთ, რომ აქ თავს ძალიან ბედნიერად ვგრძნობ.

ახალ კონტრაქტზე საუბრის დრო ჯერ არ გვაქვს, ვინაიდან მჭიდრო გრაფიკის გამო თამაშები ხშირად გვიწევს. ჯერ ინტერთან ვითამაშეთ და ახლა ლაციოსთან მატჩი გვიწევს.

მოლაპარაკებებს მალე დავიწყებთ", - სომეხი ნახევარმცველის სიტყვებს FootballItalia ციტირებს.

#ASRoma forward Henrikh Mkhitaryan said he’s happy at the Olimpico and confirmed he will soon discuss a new deal with La Lupa. https://t.co/bJGjdEVIn2 #SerieA #CoppaItalia #UEL #SerieATIM #Calcio pic.twitter.com/4FekngjC2N
— footballitalia (@footballitalia) January 13, 2021

ჰენრიხ მხითარიანი რომას 2019 წელს, არსენალიდან შეუერთდა. პირველი სეზონი მან დედაქალაქურ კლუბში იჯარის წესით გაატარა, ხოლო 2020 წელს მან ლონდონურ კლუბთან ურთიერთშეთანხმების საფუძველზე კონტრაქტი გაწყვიტა და "ჯალოროსისთან" კონტრაქტი გააფორმა, რომელიც მიმდინარე სეზონის დასრულების შემდეგ იწურება.

სერია ა-ს მიმდინარე გათამაშებაში 31 წლის ფეხბურთელმა 17 მატჩი ჩაატარა და აქტივში რვა გოლი და ამდენივე შედეგიანი გადაცემა ჩაიწერა.

მხითარიანი რომაში ბედნიერია

მხითარიანი რომასთან ახალი კონტრაქტის გაფორმებაზე ფიქრობს

ასევე იხილეთ

უახლესი ამბები