ესპანეთის ეროვნული ნაკრებისა და კატალონიის ბარსელონას ლეგენდარული ფეხბურთელი, ჩავი ერნანდესი დღეს, 25 იანვარს 41 წლის გახდა.

ჩავი ბარსელონას აკადეემიის აღზრდილია და კარიერის საუკეთესო წლები სწორედ მშობლიურ კლუბში აქვს გატარებული. ის "ბლაუგრანას" ღირსებას 1998 - 2015 წლებში იცავდა. ჩატარებული მატჩების რაოდენობით (767) ერნანდესს კატალონიური კლუბის ისტორიაში რეკორდი ეკუთვნის. მის ანგარიშზე 85 გოლი, 236 საგოლე პასი და 25 ტიტულია.

ლა ლიგა - 8 ტიტული

ესპანეთის თასი - 3 ტიტული

ესპანეთის სუპერთასი - 6 ტიტული

უეფას ჩემპიონთა ლიგა - 4 ტიტული

უეფას სუპერთასი - 2 ტიტული

მსოფლიოს საკლუბო ჩემპიონატი - 2 ტიტული

2015 წელს ჩავიმ ბარსელონა დატოვა და ყატარში გადაბარგდა, სადაც ის ალ სადის შემადგენლობაში 2019 წლამდე თამაშობდა. .

პროფესიონალური საფეხბურთო კარიერის დასრულების შემდეგ, ლეგენდარული ესპანელი ალ სადის მთავარი მწვრთნელი გახდა და კლუბს ქვეყნის თასი და სუპერთასი მოაგებინა.

2008 და 2012 წლებში ჩავი ესპანეთის ნაკრების შემადგენლობაში ევროპის ჩემიონი გახდა. 2010 წელს კი "ფურია როხასთან" ერთად მსოფლიო ჩემპიონატის თასი აღმართა.

VIDEO ჩავი ერნანდესი იუბილარია

ასევე იხილეთ

უახლესი ამბები