შანხაი შენხუას ნიგერიელი თავდამსხმელი, ოდიონ იგალო, რომელიც ბოლო ერთი წლის განმავლობაში მანჩესტერ იუნაიტედში იჯარის წესით თამაშობდა, "წითელი ეშმაკების" რიგები დატოვა და ჩინურ კლუბში დაბრუნდა.

"ძალიან რთული წარმოსადგენია, რომ ჩემი ოცნება დასასრულს მიუახლოვდა. მადლობა ღმერთს, რომ დამეხმარა ოცნების ასრულებაში - მეთამაშა მანჩესტერ იუნაიტედის მაისურით და ამ უდიდესი კლუბის ღირსება დამეცვა. ეს ნამდვილად დიდი პატივი იყო ჩემთვის, რომელსაც ყოველთვის დავაფასებ და მუდამ მადლიერი ვიქნები.

მადლობა მწვრთნელს უდიდესი ნდობისთვის მაშინ, როდესაც ბევრი არ მენდობოდა და დიდი მადლობა თანაგუნდელებს. ვლოცულობ, რომ მანჩესტერ იუნაიტედმა წელს პრემიერლიგა და ინგლისის თასი მოიგოს.

მადლობა მსოფლიოს საუკეთესო გულშემატკივრებს - ჩვენ გვესმის თქვენი ხმა, რომლითაც შორიდან გვამხნევებთ და მოუთმენლად ველით თქვენს ტრიბუნებზე დაბრუნებას. მე სამუდამოდ დავრჩები მანჩესტერ იუნაიტედის გულშემატკივრად. ერთხელ წითელი, მუდამ წითელი", - წერს 31 წლის თავდამსხმელი სოციალურ ქსელში.

შეგახსენებთ, რომ ოდიონ იგალო მანჩესტერ იუნაიტედს 2020 წლის ზამთრის სატრანსფერო ფანჯრის დროს შეუერთდა და ყველა ტურნირის ეგიდით გამართულ 23 შეხვედრაში ხუთი გოლი გაიტანა. ნიგერიელმა ინგლისური კლუბი საიჯარო ხელშეკრულების ამოწურვის გამო დატოვა და დიდი ალბათობით ჩინეთში დაბრუნდება.

It’s was a pleasure. Once a Red, always a Red🔴🔴🙏🏾 pic.twitter.com/uXVqIXxsAf
— Odion Jude Ighalo (@ighalojude) January 26, 2021

იგალომ მანჩესტერ იუნაიტედი დატოვა

ოდიონ იგალო მანჩესტერ იუნაიტედს დაემშვიდობა

ნიგერიელი ჩანხაიში დაბრუნდა

უახლესი ამბები