ევერტონის იტალიელი დამრიგებელი კარლო ანჩელოტი მიმდინარე სეზონში გუნდის ამოცანებს ახმოვანებს. ამბობს, რომ მისი უმთავრესი მიზანი ჩემპიონთა ლიგაა.

„როგორც უკვე ვთქვი, აქ იმისთვის მოვედი, რომ ევერტონი ჩემპიონთა ლიგაზე გავიყვანო. პირადად ჩემთვის ეს წარმოუდგენელი მოტივაციაა. ამის გაკეთების უდიდესი სურვილი მაქვს. აუცილებელია ვიცოდეთ, სად გვინდა ყოფნა. საუკეთესო ექვსეულში მოხვედრა გვინდა თუ ოთხეულში. შემდეგ ორ თამაშს სახლში ჩავატარებთ და ამის მერე გვეცოდინება, სად ვიქნებით.

ჩემპიონთა ლიგა - ეს სამომავლო მიზანია. არ ვიცი, იქ მოსახვედრად რა დრო დადგვჭირდება. იმედია, რომ მალე შევძლებთ ჩემპიონთა ლიგაზე თამაშს, რადგან სწორედ ეს არის მსოფლიოს საუკეთესო ტურნირი.

მიმდინარე პრემიერლიგა მეტად კონკურენტულია. არის გუნდები როგორიც ჩვენ ვართ, ასევე ვესტ ჰემი, საუთჰემპტონი. ისინი ექვსეულში ყოფნას მიჩვეულები არ არიან. საუკეთესო გუნდებთან ბრძოლა ამ კლუბებს ძალას მატებს,“ - ანჩელოტის მოსაზრებას გვთავაზობს Eurosport.

ანჩელოტი ჩემპიონთა ლიგაზე დაბრუნებითაა მოტივირებული

ანჩელოტისთვის მიმდინარე პრემიერლიგა მეტად კონკურენტულია

უახლესი ამბები