როგორც უკვე მოგახსენეთ, პარი სენ-ჟერმენის შემტევმა, ნეიმარმა საფრანგეთის თასის შეხვედრაში მძიმე ტრავმა მიიღო, რის გამოც ბრაზილიელს დაახლოებით 4-6 კვირა გაუცდება, რაც იმას ნიშნავს, რომ ის ბარსელონასთან უეფას ჩემპიონთა ლიგის პირველ მატჩს გამოტოვებს და მისი თამაში საპასუხო შეხვედრაშიც საეჭვოა.

ცოტა ხნის წინ, 29 წლის ფეხბურთელმა სოციალურ ქსელში პოსტი გამოაქვეყნა და ტრავმასა და მის სათამაშო სტილზე დაწერა: "ძალიან ვწუხვარ, ძლიერი ტკივილები მაწუხებს და ცრემლების შეკავება მიჭირს. კიდევ ერთხელ მიწევს დროებით ჩამოვშორდე იმ საქმეც, რომელიც ცხოვრებაში ყველაზე მეტად მიყვარს - ფეხბურთის თამაშს.

ხანდახან ჩემი სათამაშო სტილის გამო დისკომფორტს განვიცდი, რადგან მუდამ დრიბლინგით ვცდილობ წინსვლას და ამის გამო ფეხებში ხშირად მხვდება. ვერ გამიგია, პრობლემა ჩემშია თუ იმაში, რასაც მოედანზე ვაკეთებ. ეს კი ძალიან მაწუხებს.

მწყინს ფეხბურთელებისგან, მწვრთნელებისგან, კომენტატორებისგან ან ეშმაკმა იცის ვისგან, როდესაც ჩემი მისამართით ამბობენ: "მას ფეხებში უნდა ურტყათ", "ის სიმულაციას მიმართავს", "მტირალაა", "ბავშვია", "გათამამებულია" და ასე შემდეგ.

სიმართლე გითხრათ, ეს ძალიან გულს მტკენს. არ ვიცი, კიდევ რამდენ ხანს შევძლებ, რომ ამას შევეგუო. უბრალოდ მინდა, რომ ფეხბურთის თამაშით გავიხარო, მეტი არაფერი".

შეგახსენებთ, რომ ბარსელონასა და პსჟ-ს პირველი დაპირისპირება "კამპ ნოუზე" 16 თებერვალს გაიმართება. საპასუხო მატჩს კი "პარკ დე პრენსი" 10 მარტს უმასპინძლებს.

View this post on Instagram

A post shared by ene10ta Érre 🇧🇷 👻 neymarjr (@neymarjr)

ნეიმარი: "ცრემლებს ვერ ვიკავებ"

ნეიმარი ტრავმის გამო დაახლოებით 4-6 კვირას გამოტოვებს

ბრაზილიელმა კომენტარი გააკეთა

უახლესი ამბები