პსჟ–ს ბრაზილიელი ლიდერის, ნეიმარის ირგვლივ ყოველი სატრანსფერო ფანჯრის დროს, უცხოურ მედიაში უამრავი ჭორი ვრცელდებოდა. ესპანური გამოცემები იტყობინებოდნენ, რომ ფეხბურთელი ბარსელონაში დასაბრუნებლად ყველაფერს აკეთებდა და მიზანთანც ახლოს იყო, თუმცა საბოლოოდ ის კვლავ პარიზელთა შემადგენლობაში რჩებოდა.

ფრანგულმა კლუბმა ბრაზილიელი შემტევის სანაცვლოდ, "ბლაუგრანას" 2017 წელს 222 მილიონი გადაუხადა. მისი ამჟამინდელი კონტრაქტი 2022 წლის ზაფხულში იწურება, თუმცა ფაბრიციო რომანოს ცნობით, ფეხბურთელმა პსჟ–ში დარჩენა გადაწყვიტა და ის ახალ ხელშეკრულებას მალე გააფორმებს.

რომანოს ინფორმაციით, ნეიმარის სურვილია, მომავალშიც ამ გუნდის ნაწილი იყოს. დიდი ალბთობით, მხარეები ხელს გრძელვადიან კონტრაქტს მოაწერენ. საფრანგეთის ჩემპიონები მოლაპარაკებებს კილიან მბაპესთანაც აწარმოებენ. 29 წლის ნეიმარმა, ლიგა 1–ის მიმდინარე სეზონში, მონაწილეობა 11 მატჩში მიიღო და თავი ექვსი გატანილი გოლით გამოიჩინა. ამდენივე გოლი დაუგროვდა მას ჩემპიონთა ლიგის ჯგუფურ ეტაპებზეც. მერვედფინალში კი სადაც პსჟ–მ ბარსელონა სტუმრად 4–1 გაანადგურა, ბრაზილიელმა ტრავმის გამო ვერ ითამაშა, თუმცა დიდი ალბათობით, ის ყოფილ გუნდს პარიზში საპასუხო მატჩის დროს დაუხვდება.

Neymar is staying at PSG and he’s gonna extend his contract soon. He wants to be part of Paris Saint-Germain also for the future. 🇧🇷 #PSG
Posted by Fabrizio Romano on სამშაბათი, 23 თებერვალი, 2021

ნეიმარი კონტრაქტს ახლო მომავალში გაახანგრძლივებს

ბრაზილიელი პსჟ–დან წასვლას არ აპირებს

ის მალე ახალ კონტრაქტს გააფორმებს

უახლესი ამბები