საქართველოს ნაკრების ვიცე კაპიტანმა, გურამ კაშიამ ლოკომოტივთან ერთწლიანი კონტრაქტი გააფორმა. ინფორმაციას თბილისური კლუბის ოფიციალური გვერდი ადასტურებს.

კაშიამ გასული წლის დეკემბერში, სან-ხოსე დატოვა და მას შემდეგ უგუნდოდ იყო. 33 წლის ცენტრალური მცველი, ლოკომოტივში ვარჯიშობდა და გუნდს ესპანეთში, წინასასეზონო მზადებაზეც ახლდა.

💥 ოფიციალურად - საქართველოს ეროვნული ნაკრების ვიცე-კაპიტანი - გურამ კაშია თბილისის ლოკომოტივის ფეხბურთელია 🔴🤝 🔴 გურამ...
Posted by FC Locomotive Tbilisi on Wednesday, 3 March 2021

"რკინიგზელები" ვიტესის ყოფილ კაპიტანთან ხანგრძლივ მოლაპარაკებებს აწარმოებდნენ და როგორც ჩანს, თბილისურმა კლუბმა, საბოლოოდ მისი დათანხმება მაინც მოახერხა. კაშია ახალ გუნდში 4-ნომრიან მაისურს მოირგებს:

"ლოკომოტივში თავს ძალიან კარგად ვგრძნობ. ზამთრის მოსამზადებელი პერიოდი გუნდთან ერთად გავიარე; ვიყავი ესპანურ შეკრებაზე. საბოლოოდ, მივიღე გადაწყვეტილება, რომ კლუბს ოფიციალურად შევუერთდე. ახლა, გუნდის სრულფასოვანი წევრი ვარ და მისი ნაწილი. იმედი მაქვს, წარმატების მიღწევაში ჩემს წვლილს შევიტან", - განაცხადა გურამ კაშიამ

შეგახსენებთ, რომ თბილისის ლოკომოტივის გენერალური სპონსორია კომპანია კროკობეთ, ხოლო მედიაპარტნიორი კი, Croco.ge.

გურამ კაშია ლოკომოტივში ითამაშებს

კაშიამ თბილისურ კლუბთან ერთწლიანი კონტრაქტი გააფორმა

უახლესი ამბები