მადრიდის რეალის კაპიტანმა, სერხიო რამოსმა უშუალო კონკურენტი გუნდის კაპიტანზე, ლიონელ მესიზე საკმაოდ თბილად ისაუბრა და აღნიშნა, რომ არგენტინელ ფეხბურთელს "სამეფო კლუბში" სიამოვნებით იხილავდა.

"დავთანხმდებოდი თუ არა მესის მადრიდის რეალში გადმოსვლას? - 100 პროცენტით. ეჭვგარეშე. მას სახლშიც კი დავპატიჟებდი, რათა დავეხმარო.

მე კი ბარსელონაში არასოდეს ვითამაშებდი. არც 50 და არც 70 მილიონი ევროს სანაცვლოდ. არის რაღაცები, რასაც ფულით ვერ იყიდი. ეს შეუძლებელია", - რამოსის სიტყვებს იტალიელი ჟურნალისტი, ფაბრიციო რომანო ციტირებს.

შეგახსენებთ, რომ ხანგრძლივი ტრავმის შემდეგ, სერხიო რამოსი გუნდს დაუბრუნდა და დიდია ალბათობა, რომ კაპიტანი უახლოეს მატჩშიც ითამაშებს, რომელსაც "სამეფო კლუბი" შაბათს, 13 მარტს ლა ლიგის ეგიდით ელჩეს წინააღმდეგ, "ესტადიო ალფრედო დი სტეფანოზე" გამართავს.

აქვე მოგახსენებთ, რომ ესპანურ მედიაში გავრცელებული ინფორმაციის თანახმად, რამოსი რეალს ახალ კონტრაქტზე კვლავაც ვერ უთანხმდება. 34 წლის მცველს მოქმედი ხელშეკრულება მადრიდულ კლუბთან მიმდინარე სეზონის დასრულების შმდეგ ეწურება.

Sergio Ramos: “Would I accept Messi in Madrid? 100%. Without doubts. I would even invite him to my house to help him...
Posted by Fabrizio Romano on Thursday, March 11, 2021

რამოსი მესის რეალში სიამოვნებით იხილავდა

ვისურვებდი თუ არა მესის რეალში? - დიახ

"ბარსელონაში არაფრის ფასად არ ვითამაშები"

უახლესი ამბები