როგორც უკვე გაცნობეთ, ოფიციალურად დადასტურდა, რომ ევრო 2020-ის დასრულების შემდეგ, გერმანიის ეროვნული ნაკრების მთავარი მწვრთნელი, იოახიმ ლიოვი პოსტს დატოვებს.

გავლენიანი გერმანული გამოცემის, Bild-ის ჟურნალისტი, კრისტიან ფალკი სოციალურ ქსელში წერს, რომ იოგიმ ესპანური ენის შესწავლა დაიწყო. წყარო იუწყება, რომ 61 წლის სპეციალისტმა მასთნ საუბარში აღნიშნა, რომ მომავალში მადრიდის რეალის მწვრთნელობა სურს.

TRUE ✅ Jogi Löw, who will resign from @DFB_Team in summer, is learning Spanish. He told me often that @realmadrid would be a club that he would like to coach
— Christian Falk (@cfbayern) March 20, 2021

იოახიმ ლიოვი "ბუნდესნაკრებს" სათავეში 2006 წლიდან უდგას და 2014 წელს გერმანიის ნაკრები ბრაზილიაში გამართული მსოფლიო ჩემპიონატის გამარჯვებამდე მიიყვანა. 2017 წელს კი იოგის ნაკრებმა კონფედერაციის თასიც მოიგო.

ლიოვის სავარძელი ეროვნულ გუნდში გასულ წელს, ესპანეთის ნაკრებთან გამანადგურებელი ანგარიშით (0:6) მარცხის შემდეგ შეირყა, თუმცა გერმანიის ფეხბურთის ფედერაციამ გამოცდილ სპეციალისტს ნდობა გამოუცხადა. მიმდინარე თვის დასაწყისში კი იოგიმ მწვრთნელის პოსტის დატოვების შესახებ მიიღო გადაწყვეტილება.

შეგახსენებთ, რომ ევრო 2020, რომელიც გასულ წელს უნდა გამართულიყო და კორონავირუსის პანდემიის გამო გადაიდო, 11 ივნისს დაიწყება და ერთი თვე გაგრძელდება.

ლიოვმა ესპანური ენის შესწავლა დაიწყო

ევრო 2020-ის შემდეგ, ლიოვი გერმანიის ნაკრებს დატოვებს

იოგის მადრიდის რეალის გაწვრთნა სურს

უახლესი ამბები