იტალიის სერია ა–ში გუნდების ერთმა ნაწილმა 28 ტურში მონაწილეობა უკვე მიიღო, ხოლო ზოგიერთ გუნდს, გასაგები მიზეზების გამო 27 მატჩში აქვს მონაწილეობა მიღებული. სწორედ ამ უკანასკნელებს მიეკუთვნება ინტერიც, რომელსაც 65 ქულა უფიქსირდება და მიუხედავად იმისა, რომ მეორე ადგილოსან მილანს მასზე ერთი შეხვედრით მეტი აქვს გამართული, მას მაინც ექვსი ქულით უსწრებს.

მოქმედ ჩემპიონ, ტურინის იუვენტუსთან კი "ნერაძურის" 10 ქულიანი უპირატესობა აქვს. იტალიაში უკვე საუბრობენ, რომ "ბებერი ქალბატონის" ბატონობა დასასრულს უახლოვდება. მაგალითად, ფაბიო კაპელო ფიქრობს, რომ ანტონიო კონტეს გუნდი წელს სკუდეტოს აუცილებლად მოიგებს, რითაც "იუვეს" დომინირება დასრულდება. ამავე აზრზეა შავ–ლურჯების ყოფილი ფეხბურთელი ლუსიოც. მის სიტყვებს FOOTBALL-ITALIA ციტირებს.

"იმაზე ნაკლები მატჩების ყურებას ვახერხებ, ვიდრე ეს მე მსურს, მაგრამ აშკარაა, რომ ინტერს შეუძლია იუვენტუსის დომინირებას წერტილი დაუსვას. უცნაურია, როცა "ნერაძურის" მწვრთნელის პოსტზე ანტონიო კონტეს ვხედავ, თუმცა ფეხბურთში მთავარი მაინც შედეგებია და ის ამ მიზანთან ძალიან ახლოსაა.

ის დიდ ყურადღებას უთმობს ფეხბურთელების ფიზიკურ მომზადებას. ინტერი სწრაფად ახერხებს დაცვიდან შეტევაზე გადასვლას და ეს ძალიან მნიშვნელოვანია. რომელუ ლუკაკუ შესანიშნავ ფორმაშია. ის მე დიდიერ დროგბასა და ზლატან იბრაჰიმოვიჩს მაგონებს", – ამბობს ლუსიო.

ლუსიო: "ინტერს შეუძლია იუვენტუსის დომინირებას წერტილი დაუსვას"

ინტერი სერია ა–ს ისევ ლიდერობს

ტურინის იუვენტუსი მესამე ადგილზეა

უახლესი ამბები