ლა ლიგის ეგიდით გამართულ კლასიკოში მადრიდის რეალმა გამარჯვება მოიპოვა.

“სამეფო კლუბმა“ კატალონიის ბარსელონა 2:1 დაამარცხა და ესპანეთის ჩემპიონატის მოგების საკმაოდ რეალური შანსი გაუჩნდა.

მატჩის დასრულების შემდეგ, “ბლანკოსის“ დამრიგებელმა, ზინედინ ზიდანმა მედიასთან კომენტარი გააკეთა:

“თავს ძალიან კარგად ვგრძნობთ. მატჩი კარგად დავიწყეთ. დამსახურებული გამარჯვება მოვიპოვეთ. მესამე გოლის გატანის არაერთი შანსი გვქონდა.

კუმანის სიტყვები? მჯერა, რომ თუ მსაჯმა გადაწყვიტა, რომ პენალტი არ დაენიშნა ესეიგი პენალტი არ იყო. არ შეიძლება ყველაფერი მსაჯს დაბრალდეს.

ჩემპიონობამდე დიდი გზა გველის. ახლა უნდა დავისვენოთ. ორი რთული მატჩი გვქონდა. არ ვიცი როგორ დავასრულებთ სეზონს. ჩვენ ფიზიკურად ზღვარზე ვიმყოფებით“, - თქვა მან.

ამ მომენტისთვის ლა ლიგას რეალი ლიდერობს, თუმცა დიეგო სიმეონეს გუნდს დღეს, 11 აპრილს, ბეტისთან უმძიმესი ჯახი ელის, სადაც გამარჯვების შემთხვევაში კვლავ პირველობას დაიბრუნებს.

ზინედინ ზიდანი: “არ შეიძლება ყველაფერი მსაჯს დაბრალდეს“

რეალმა ბარსელონა დაჯაბნა

უახლესი ამბები