პარიზში, "სტად დე ფრანსზე" უეფას ჩემპიონთა ლიგის მეოთხედფინალური ეტაპის განმეორებითი შეხვედრა გაიმართება. პარი სენ-ჟერმენი მიუნხენის ბაიერნს უმასპინძლებს და ფრანგული კლუბი გერმანიაში მოპოვებული უპირატესობის შენარჩუნებას ეცდება.

ერთი კვირის წინ, "ალიანც არენაზე" პსჟ-მ "რეკორდმაისტერი" 3:2 დაამარცხა და ნახევარფინალის საგზურის მოსაპოვებლად სოლიდური უპირატესობა შეიქნმა. მიუნხენურ გრანდს კი დღევანდელ შეხვედრაში მხოლოდ გამარჯვება ესაჭიროება, რომელიც შესაძლოა, საკმარისი არც აღმოჩნდეს. ჰანსი ფლიკის გუნდს მომდევნო რაუნდში გასასვლელად ორბურთიანი სხვაობით მოგება აძლევს ხელს ან გერმანიაში პარიზული კლუბის შედეგი უნდა გააუმჯობესოს.

2⃣ semi-final spots up for grabs! Who will progress? 🤔#UCLfixtures | @GazpromFootball | #UCL
— UEFA Champions League (@ChampionsLeague) April 13, 2021

გასულ სეზონში ეს გუნდები ერთმანეთს უეფას ჩემპიონთა ლიგის ფინალში დაუპირისპირდნენ, სადაც ტიტულისთვის ბრძოლაში გამარჯვება მიუნხენის ბაიერნს დარჩა. დღეს კი პსჟ-ს მცირე რევანშის საშუალება ექნება, რომ მოქმედი ცემპიონი გათამაშებას გამოთიშოს. თავად კი პირველი ტიტულისთვის ბრძოლა გააგრძელოს.

პარი სენ-ჟერმენისა და მიუნხენის ბაიერნის ურთიერთდაპირისპირების ისტორია 1994 წელს იწყება და მათი გზები ყველა შემთხვევაში მხოლოდ ევროპის ყველაზე პრესტიჟული საკლუბო ტურნზე იკვეთებოდა. დღემდე, ეს გუნდები ერთმანეთს 10-ჯერ შეხვედრიან და უპირატესობა პარიზული კლუბის სასარგებლოდ არის. ფრანგებს გერმანული გუნდი 6-ჯერ ჰყავთ დამარცხებული და ოთხი შეხვედრა წააგეს.

საინტერესოა, რომ მიუნხენურ კლუბს პარიზში ოთხი მატჩი აქვს ჩატარებული და ყველა შემთხვევაში დამარცხებული გამოვიდა.

პარი სენ-ჟერმენთან მარცხის შემდეგ, ბაიერნმა ვერც ბუნდესლიგის შეხვედრა მოიგო. ფლიკის გუნდმა ქულები შინ, უნიონ ბერლინთან (1:1) დაკარგა და კონკურენტ ლაიპციგს სატურნირო ცხრილში მიახლოების საშუალება მისცა, რომელთანაც სხვაობა ხუთი ქულა გახდა. პარიზელებმა კი თავის მხრივ ლიგა 1-ის მატჩი სტუმრად, სტრასბურგთან 4:1 იმარჯვეს.

🎙️💬

À la veille du quart de finale retour de la @ChampionsLeague 🆚 Bayern Munich, Mauricio Pochettino a répondu aux questions de #PSGtv et des médias. Extraits. 👇#𝗣𝗦𝗚𝗙𝗖𝗕
— Paris Saint-Germain (@PSG_inside) April 12, 2021

მაურისიო პოჩეტინო (პსჟ-ს მთავარი მწვრთნელი): "ყველაფერი შეიძლება მოხდეს. დღეს, ბაიერნი მსოფლიოს საუკეთესო კლუბია. მათ მიმართ უდიდეს პატივისცემას ვგრძნობ. მაგრამ, ამასთანავე ჩვენს ძალებში დარწმუნებული ვარ და ამ მატჩში მხოლოდ გამარჯვებაზე უნდა ვიფიქროთ".

ჰანსი ფლიკი (ბაიერნის მთავარი მწვრთნელი): "ვიცით, რომ დღევანდელ შეხვედრაში მინიმუმ ორი გოლი უნდა გავიტანოთ, რაც ძალიან რთულად შესასრულებელი ამოცანაა, მაგრამ ეს ის თამაშია, რის გამოც ფეხბურთი გვიყვარს. ჩვენი სურვილია, რომ პარიზი გავაბრაზოთ და ძალიან მოხარულები დავრჩებით თუ ეს გამოგვივა.

პირველ შეხვედრაში ბევრი მომენტი შევქმენით და დღეს უკედ უნდა ვიმოქმედოთ. ვიცით, რომ რთული იქნება, მაგრამ ამისთვის ყველაფერს გავაკეთებთ".

სავარაუდო შემადგენლობები და დანაკლისი:

პარი სენ-ჟერმენი: ნავასი - დაგბა, დანილო, კიმპენბე, დიალო - გეიე, პარედესი - დი მარია, დრაქსლერი, ნეიმარი, მბაპე

დანაკლისი: ბერნატი, იკარდი, კურზავა, მარკინიოსი

ბაიერნი: ნოიერი - პავარი, ბოატენგი, ერნანდესი, დევისი - კიმიხი, ალაბა - სანე, მიულერი, კომანი - ჩუპო-მოტინგი

დანაკლისი: ლევანდოვსკი, კოსტა, გნაბრი, ზიულე, ტოლისო

პრევიუ - პსჟ VS ბაიერნი

13 აპრილი. "პარკ დე პრენსი"

23:00 ბაიერნი - პსჟ

ასევე იხილეთ

უახლესი ამბები