74 წლის ფლორენტინო პერესი მადრიდის რეალის პრეზიდენტად 2025 წლამდე იმუშავებს. ის დაკავებულ თანამდებობას მეექვსე ვადით, მომდევნო ოთხი წლის განმავლობაში დაიკავებს. პერესი ერთადერთი კანდიდატი იყო. უკონკურენტობის გამო, მისი არჩევა ავტომატურად მოხდა.

გავრცელებული ინფორმაციის თანახმად, არჩევნებში მონაწილეობა ერთ-ერთ ესპანელ ბიზნესმენსაც სურდა, თუმცა მან თავისი კანდიდატურა ბოლო მომენტში გააუქმა. პერესმა ფინანსური გეგმა წარმოადგინა და ის პრეზიდენტის პოსტზე მუშაობას აგრძელებს.

შეგახსენებთ, რომ ფლორენტინო "სამეფო კლუბს" უკვე 12 წელია შეუცვლელად ხელმძღვანელობს. ის პრეზიდენტად 2000-06 წლებშიც მუშაობდა. მისი პრეზიდენტობის დროს, "თეთრებმა" ჯამში 47 ტიტულის მოგება შეძლეს.

Florentino Pérez, proclamado presidente del Real Madrid hasta 2025.#RealMadrid
— Real Madrid C.F. (@realmadrid) April 13, 2021

"ჩემთვის ეს დიდი პატივია. ეს კლუბი ჩემი ცხოვრების შემადგენელი ნაწილია და მიხარია, რომ ამ დიდი ოჯახის წევრი ვარ. ჩვენ გავაგრძელებთ განვითარებას და კვლავ ვიბრძოლებთ უმაღლესი მიზნებისთვის. მადრიდის რეალი - ეს ერთი დიდი ოჯახია, რომელიც მთელს მსოფლიოში მილიონობით ადამიანს აერთიანებს", - ამბობს ფლორენტინო პერესი.

აქვე მოგახსენებთ, რომ რეალის კაპიტან, სერხიო რამოსს კორონავირუსი დაუდასტურდა. დედაქალაქური კლუბი ხვალ ჩემპიონთა ლიგის 1/4 ფინალური ეტაპის საპასუხო მატჩს სტუმრად, ლივერპულის წინააღმდეგ გამართავს.

ფლორენტინო პერესი რეალის პრეზიდენტად რჩება

უკვე მეექვსე ვადით

პერესი უკონკურენტო იყო

ასევე იხილეთ

უახლესი ამბები