ლა ლიგის 30-ე ტურის ეგიდით, "ბალაიდოსზე" სევილია ვიგოს სელტას ესტუმრა და უხვგოლიან დაპირისპირებაში 4:3 დაამარცხა.

აღსანიშნავია, რომ გალისიელთა წინააღმდეგ მოგებული შეხვედრა საიუბილეო იყო სევილიას კაპიტნისთვის, ხესუს ნავასისთვის.

ნავასი სევილიას ისტორიაში გახდა პირველი ფეხბურთელი, რომელმაც ანდალუსიელთა რიგებში, ლა ლიგის ეგიდით, 200 მატჩის მოგება შეძლო. ამისთვის ესპანელ ფეხბურთელს 408 მატჩის ჩატარება დასჭირდა.

ხესუს ნავასი სევილიაში 2003-2013 წლებში თამაშობდა, რის შემდეგაც მან ოთხი სეზონი მანჩესტერ სიტიში გაატარა. ხოლო, 2017 წელს მშობლიურ კლუბს დაუბრუნდა.

ესპანელმა შემტევმა ანდალუსიურ კლუბთან ერთად ორჯერ კოპა დელ რეი, ესპანეთის სუპერთასი, უეფას სუპერთასი და სამჯერ ევროპა ლიგა მოიგო.

მიმდინარე სეზონში ნავასმა სევილიელთა რიგებში 36 შეხვედრაში ითამაშა და თავი ორი შედეგიანი გადაცემით გამოიჩინა.

200 - Jesús Navas 🇪🇸 has reached 200 wins in @LaLigaEN (408 appearances), becoming the first player to reach this milestone for @SevillaFC_ENG in the competition’s history. Elf. pic.twitter.com/CiO4F3Jzv4
— OptaJose (@OptaJose) April 12, 2021

ნავასი სევილიას ისტორიაში შევიდა

ნავასმა სევილიას რიგებში მე-200 მატჩი მოიგო

ასევე იხილეთ

უახლესი ამბები