ლაიფციგის მთავარი მწვრთნელი, იულიან ნაგელსმანი, რომელიც ახალ სეზონს მიუნხენის ბაიერნს გაუძღვება, გუნდის შეცვლაზე კომენტარს აკეთებს.

„ლაიფციგს დამძიმებული გულით დავტოვებ. აქ, უდიდესი შესაძლებლობების და მუშაობის საუკეთესო პირობების მქონე კლუბში, განსაკუთრებულ გუნდს ვავარჯიშებდი.

ყველა, მათ შორის გუნდთან მომუშავე პერსონალმა, იმაზე იზრუნა, რომ კლუბისთვის არაერთი ისტორია დაეწერა, რასაც ახლაც აგრძელებენ. ამით მართლა ვამაყობ.

ჩემპიონთა ლიგის ნახევარფინალში გასვლა უდავოდ ყველაზე კაშკაშა მოვლენა იყო. ამ მომენტს არასდროს დავივიწყებ. დღესაც კლუბის ისტორიაში ბუნდესლიგის საუკეთესო სეზონს ვატარებთ. სეზონის საუკეთესოდ დასრულება გვსურს, ისევე როგორც მნიშვნელოვანი ჯილდოს პირველად მოგება.

ლაიფციგი განსაკუთრებული კლუბია, მაგრამ მე მივდივარ. არ ვმალავდი, რომ ბაიერნის მთავარი მწვრთნელის თანამდებობა მიზიდავდა და რომ ამ სამუშაოსთვის ხელის მოკიდება მინდოდა, თუ კი ამის საშუალება მომეცემოდა.

მინდა მადლობა გადავუხადო ოლივერ მინცლაფს და ლაიფციგის სხვა ხელმძღვანელებს იმისთვის, რომ ბაიერნთან საერთო ენა გამოძებნეს და ჩემთვის ეს შესაძლებელი გახადეს,“ - 33 წლის ნაგელსმანის სიტყვებს ახმოვანებს ლაიფციგის ოფიციალური გვერდი.

Julian #Nagelsmann to leave #RBLeipzig at the end of the 2020/21 season.

The 33-year-old will then take on a role as the new head coach of @FCBayernEN as of 1st July 2021. pic.twitter.com/SPx6wWkhGI
— RB Leipzig English (@RBLeipzig_EN) April 27, 2021

ნაგელსმანი ლაიფციგს დამძიმებული გულით ტოვებს

უახლესი ამბები