სპორტინგი გამორიცხულია! - რონალდუს დედის გეგმები მენდეშმა დაასამარა

რამდენიმე დღის წინ კრიშტიანუ რონალდუს დედამ განაცხადა, რომ შვილის სამშობლოში დაბრუნებას შეეცდება. 

მან აღნიშნულის შესახებ მას შემდეგ ისაუბრა, რაც სპორტინგი პორტუგალიის ჩემპიონი გახდა. 

რონალდუს აგენტმა ჟორჟე მენდეშმა მედიაში გავრცელებულ ჭორებს უპასუხა და განმარტა, რომ კრიშტიანუ სპორტინგში ასპარეზობას არ აპირებს. 

“კრიშტიანუ რონალდუ სპორტინგში დაბრუნებას არ აპირებს. ის ამაყობს იმ ტიტულებიც, რომლებიც მოიგო. მისი კარიერის მომავალი პორტუგალიას არ უკავშირდება“. 

Jorge Mendes: “Cristiano Ronaldo is not coming back to Sporting. He’s proud of the title won but at the moment, his career plans do not go through Portugal”, he told Record. 🇵🇹 #Sporting #Juventus

— Fabrizio Romano (@FabrizioRomano) May 14, 2021

შეგახსენებთ, რონალდუს “ბიანკონერისთან“ მოქმედი კონტაქტი აკავშირებს. იტალიელი კოლეგები წერენ, რომ “ზებრები“ მის გაშვებას განიხილავენ, რადგან გუნდი ფინანსურ კრიზისშია და რონალდუს ხელფასის გადახდას, ფაქტობრივად, ვერ ახერხებენ.