წამყვან პრემიერლიგურ კლუბებს მადრიდის რეალის ფრანგი მცველის, რაფაელ ვარანის დამატება სურთ. მანჩესტერ იუნაიტედის შემდეგ, 28 წლის ფეხბურთელის დამატების სურვილი ჩელსიმაც გამოთქვა.

ბოლო დღეებში, ბრიტანული პრესა "წითელი ეშმაკების" ინტერესზე აქტიურად წერდა. მათი ცნობით, მანჩესტერული გრანდი "სამეფო კლუბისთვის" 40 მილიონი ფუნტ სტერლინგის შეთავაზებას გეგმავს.

Wada xaajoodka ay Manchester United la bilawday Varane, Chelsea oo hoggaanka u heysa iyo koox saddexaad oo kula tartammeysa saxiixa difaaca Real Madrid https://t.co/r10wLxs6qx via @Radio Sanguuni
— Radio Sanguuni (@RSanguuni) May 15, 2021

დღეს კი, როგორც Mirror-მა დაწერა, ფრანგი ცენტრალური მცველისთვის ბრძოლაში ჩელსიც ჩაერთო. აღნიშნული წყაროს ცნობით, "არისტოკრატები" მზად არიან, რეალს ფეხბურთელის სანაცვლოდ 60 მილიონი ფუნტ სტერლინგი შესთავაზონ.

რაც შეეხება რაფაელ ვარანს, ის რეალში 2011 წლის ზაფხულში, 10 მილიონი ევროს სანაცვლოდ, ლენსიდან გადავიდა. მადრიდული გრანდის მაისურით ჩატარებულ 359 შეხვედრაში, ფრანგი ცენტრალური მცველი, 17 გოლითა და 7 საგოლე გადაცემით გამოირჩა. ვარანმა რეალთან ერთად, ოთხჯერ ჩემპიონთა ლიგის, სამჯერ ლა ლიგის, ხოლო ერთხელ კი კოპა დელ რეის მოგება მოახერხა.

ჩელსი მანჩესტერთან სატრანსფერო ბრძოლაში ჩაება

ვარანმა, შესაძლოა, რეალი დატოვოს

უახლესი ამბები