იტალიის სერია ა-ს 2020-21 წლების გათამაშება დასრულდა. ნაპოლიმ, რომელიც მხოლოდ საკუთარ თავზე იყო დამოკიდებული, ჩემპიონთა ლიგის საგზურის მოპოვება ვერ შეძლო. ჯენარო გატუზოს გუნდს საკუთარ მოედანზე ვერონა უნდა დაემარცხებინა, რათა მომდევნო სეზონში ყველაზე პრესტიჟულ საკლუბო ტურნირზე ასპარეზობის უფლება მიეღო, თუმცა მათ ტაბლოზე ფრე, 1:1 დააფიქსირეს. შედეგად, ნაპოლიმ სერია ა-ში გამოსვლა მეხუთე ადგილზე დაასრულა.

მილანმა სტუმრად ატალანტა დაამარცხა და მეორე პოზიცია დაიკავა. ბერგამოელები მესამე ადგილს დასჯერდნენ, ხოლო ოთხეული ტურინის იუვენტუსმა დახურა. შესაბამისად, ჩემპიონთა ლიგაზე იტალიის სახელით "ნერაძური", "როსონერი", ატალანტა და "იუვე" იასპარეზებენ.

იტალიურ მედიაში ვრცელდებოდა ინფორმაცია, რომ ჯენარო გატუზო ნაპოლის მთავარი მწვრთნელის პოსტს დატოვებდა. FOOTBALL-ITALIA-ს ცნობით, აღნიშნული კლუბის პრეზიდენტმა, აურელიო დე ლაურენტისმაც დაადასტურა.

"ძვირფასო რინო. მიხარია, რომ ბოლო ორი სეზონი შენთან ერთად გავატარეთ. მადლობა შენს მიერ გაწეული სამუშაოსთვის. მინდა სამომავლოდ წარმატებები გისურვო. სიყვარულით მოვიკითხავ შენს მეუღლეს და შვილებსაც", - დაწერა აურელიო დე ლაურენტისმა.

ჯერჯერობით უცნობია თუ ვინ ჩაიბარებს ნაპოლის. ჯენარო გატუზოს კი რამდენიმე კლუბს უკავშირებენ. მათ შორის სერია ა-ს ბინადარ ფიორენტინასაც. შეგახსენებთ, რომ ჯენარომ ნაპოლი 2019 წელს, მილანიდან წამოსვლის შემდეგ ჩაიბარა და ამ კლუბთან ერთად, 2019-20 წლებში, იტალიის თასის მოგება შეძლო.

გატუზო ნაპოლის ტოვებს

ნეაპოლურ კლუბს ახალი მწვრთნელი ეყოლება

ჯენაროს რამდენიმე მსურველი ჰყავს

უახლესი ამბები