როგორც უკვე მოგახსენეთ, პსჟ-მ ჩემპიონთა ლიგასა და ლიგა 1-ში წარმატებას ვერ მიაღწია. მაურისიო პოჩეტინოს გუნდისთვის მიმდინარე სეზონი წარმატებული არ გამოდგა. პარიზელებმა ნეიმართან შეთანხმებას უკვე მიაღწიეს და ბრაზილიელმა კონტრაქტი გაახანგრძლივა.

რაც შეეხება კილიან მბაპეს, მის ხელშეკრულებას ვადა 2022 წლის ზაფხულში ეწურება და ცნობილია, რომ პსჟ-ს მისი შენარჩუნებაც სურს. კლუბის პრეზიდენტმა, ნასერ ალ ხელაიფმა განაცხადა, რომ მბაპეს საკითხზე არ ღელავს, რადგან სჯერა, რომ ახალგაზრდა ფრანგი შემტევი მის გუნდში დარჩება.

გამოცემა GOAL-მა თავად ფეხბურთელის განცხადება გაავრცელა, სადაც მან აღნიშნულზე ისაუბრა.

მე აქ ყოველთვის ბედნიერი ვიყავი. ვიცი, რომ ყველა ჩემს პასუხს ელოდება. მე და ჩემი წარმომადგენელი, კლუბის ხელმძღვანელებთან ვისაუბრებთ და ვნახავთ რა მოხდება. პსჟ ძალიან მიყვარს და ამ კლუბის მადლიერი მუდამ ვიქნები, რადგან როცა აქ მოვედი, არაფერს წარმოვადგენდი. მათ კი შანსი მომცეს, რომ უმაღლესი მიზნებისთვის მებრძოლ გუნდში, ჩემი შესაძლებლობები გამომევლინა.

მომწონს პროექტი, რომელსაც პსჟ ანხორციელებს. მე მხოლოდ გამარჯვება მსურს. ახლა მხოლოდ ფეხბურთით ვცხოვრობ.

მბაპემ ლიგა 1-ის 2020-21 წლების სეზონში, თავი 27 გოლით და შვიდი საგოლე გადაცემით გამოიჩინა. ის გათამაშების საუკეთესო ბომბარდირი გახდა. საერთო ჯამში კი ყველა ტურნირზე ერთად, მან აწ.უკვე დასრულებულ სეზონში 42 გოლის გატანა შეძლო.

მბაპე: "ვიცი, რომ ყველა ჩემს პასუხს ელოდება"

პსჟ-ს მბაპეს შენარჩუნება სურს

ფრანგს საბოლოო გადაწყვეტილება ჯერაც არ მიუღია

უახლესი ამბები