უკანასკნელ პერიოდში უცხოური გამოცემები აქტიურად საუბრობდნენ, რომ ბარსელონას აღზრდილი მცველი, 20 წლის ერიკ გარსია, რომელიც მანჩესტერ სიტიში ირიცხებოდა, კვლავ "ბარსას" დაუბრუნდებოდა. აღნიშნული ინფორმაცია ახლახანს კატალონიურმა კლუბმა ოფიციალურად დაადასტურა.

გარსიას "ქალაქელებთან" კონტრაქტი ამოეწურა და "ბლაუგრანას" თავისუფალი აგენტის სტატუსით შეუერთდა. კონტრაქტი 2025-26 წლების სეზონის ბოლომდე გაფორმდა. მისი გამოსასყიდი თანხა კი 400 მილიონ ევროს შეადგენს.

გარსიამ ბარსელონა 2017 წელს დატოვა და მას შემდეგ, მანჩესტერ სიტის როგორც ასაკობრივ, ასევე მთავარ გუნდშიც გამოდიოდა. ესპანელი ამპლუით ცენტრალური მცველია, თუმცა საჭიროების შემთხვევაში, მარჯვენა ფლანგზეც თამაშობს. ის 2020 წელს ესპანეთის ეროვნულ ნაკრებშიც გამოიძახეს. სიტის შემადგენლობაში, ერიკმა სამი ტიტული მოიგო. ის ინგლისის პრემიერლიგის გამარჯვებულიც გახდა.

შეგახსენებთ, რომ "ბარსამ" გუშინ მანჩესტერული კლუბიდან კიდევ ერთი ფეხბურთელი, სერხიო აგუერო ასევე თავისუფალი აგენტის სტატუსით დაიმატა.

აქვე მოგახსენებთ, რომ ბარსელონა უფასოდ კიდევ ორი ფეხბურთელის დამატებას ცდილობს. ლა ლიგის ბინადარი მოლაპარაკებებს ჯორჯინიო ვეინალდუმთან და მემფის დეპაისთან აწარმოებს. დიდი ალბათობით, უახლოეს მომავალში, კლუბი ორივე ნიდერლანდელ მოთამაშეს დაიმატებს. ლივერპულს ყოფილ ნახევარმცველთან, შეთანხმება პრაქტიკულად უკვე მიღწეულია.

უგულშემატკივრე ბარსელონას Captain-ის პრემიუმ ხარისხის მაისურით.

ოფიციალურად: ერიკ გარსია ბარსელონას ფეხბურთელია

ახალგაზრდა მცველი ყოფილ კლუბში დაბრუნდა

კონტრაქტი 2025-26 წლამდე გაფორმდა

უახლესი ამბები