იტალიურ მედიაში გავრცელებული ინფორმაციის თანახმად, მილანის ინტერი და პარი სენ-ჟერმენი აშრაფ ჰაკიმის სატრანსფერო ღირებულებაზე შეთანხმდნენ.

როგორც ცნობილი ხდება, "ნერაძური" მაროკოელი მცველის სანაცვლოდ 60 მილიონ ევროს მიიღებს, რასაც მომავალში გარკვეული ბონუსების სახით კიდევ 10 მილიონი ევრო დაემატება.

#Inter: sì ad #Hakimi al #PSG. Dettagli e contratti, domani le visite https://t.co/q7uelA8BQ6 pic.twitter.com/7anpph1GWd
— calciomercato.com (@cmdotcom) June 27, 2021

22 წლის ფეხბურთელი პარიზულ კლუბთან 5-წლიან კონტრაქტს გააფორმებს, რომელიც ძალაში 2026 წლის 30 ივნისამდე იქნება ძალაში. ამასთან, ჰაკიმი ხელფასის სახით წლიურად რვა მილიონ ევროს მიიღებს, ხოლო ბონუსების გათვალისწინებით კიდევ დაახლოებით ორ მილიონს გამოიმუშავებს.

შეგახსენებთ, აშრაფი მილანურ კლუბს გასული სეზონის სტარტზე, მადრიდის რეალიდან 40 მილიონი ევროს სანაცვლოდ შეუერთდა. ინტერში გადასვლამდე კი მაროკოელმა ორი სეზონი დორტმუნდის ბორუსიაში იჯარის წესით ითამაშა.

გასულ სეზონში ჰაკიმიმ "ნერაძურის" მაისურით 45 შეხვედრაში მიიღო მონაწილეობა და აქტივში შვიდი გოლი და 11 შედეგიანი გადაცემა ჩაიწერა.

უგულშემატკივრე ინტერს Captain-ის პრემიუმ ხარისხის მაისურით!

ინტერი და პსჟ ჰაკიმის ტრანსფერზე შეთანხმდნენ

ინტერი ჰაკიმის სანაცვლოდ 60+10 მილიონ ევროს მიიღებს

მაროკოელი პსჟ-სთან 5-წლიან კონტრაქტს გააფორმებს

უახლესი ამბები