უკვე მოგახსენეთ, რომ კოპა ამერიკის ფინალურ მატჩში, ერთმანეთს მოქმედი ჩემპიონი – ბრაზილია და არგენტინა დაუპირისპირდებიან. არგენტინელებმა ნახევარფინალში კოლუმბია თერთმეტმეტრიანების სერიაში დაამარცხეს.

აღსანიშნავია, რომ მიმდინარე გათამაშებაზე, შესანიშნავად გამოიყურება ლიონელ მესი. მის აქტივში ოთხი გოლი და ხუთი საგოლე გადაცემა ფიქსირდება. ამ მომენტისთვის, ლეო ბომბარდირთა დავას ლიდერობს.

კოლუმბიასთან მატჩში, არგენტინელმა სუპერვარსკვლავმა მსოფლიოს კიდევ ერთხელ უჩვენა თუ როგორი უნდა იყოს ნამდვილი ლიდერი და კაპიტანი. კოლუმბიელებმა ექვსი ყვითელი ბარათი მიიღეს და ექვსივე მესის წინააღმდეგ დარღვეული თამაშის წესების გამო.

მიუხედავად იმისა, რომ მესის ფეხი დაზიანებული ჰქონდა, ტკივილები აწუხებდა და კოჭიდან სისხლიც სდიოდა, მან თამაში მაინც არ შეწყვიტა. გუნდთან ერთად ბოლომდე დარჩა და პენალტების სერიის დროს, პირველი თერთმეტმეტრიანის შესრულებაც, თავის თავზე აიღო. საბოლოოდ არგენტინამ გაიმარჯვა და ფინალის საგზური მოიპოვა.

ფინალური დაპირისპირება 11 ივლისს, 04:00 საათზე დაიწყება. მესამე ადგილისთვის კი კოლუმბია და პერუ იბრძოლებენ. მათი შეხვედრა, ერთი დღით ადრე გაიმართება. იმ შემთხვევაში თუ მოქმედი ჩემპიონი ფინალურ მატჩში დამარცხდება, მესი პირველ სანაკრებო ტიტულს დაეუფლება.

უგულშემატკივრე არგენტინას Captain-ის პრემიუმ ხარისხის მაისურით!

მესიმ მსოფლიოს ისევ უჩვენა თუ როგორი უნდა იყოს ნამდვილი ლიდერი

არგენტინა კოპა ამერიკის ფინალშია

მათ ბრაზილიასთან შეხვედრა მოუწევთ

უახლესი ამბები