კატალონიის აბრსელონამ ოფიციალურად დაადასტურა, რომ ლიონელ მესისთან ახალი კონტრაქტი არ გაფორმდება.

მიუხედავად მხარეების დიდი სურვილისა და შეთანხებისა, რომელიც დღემდე არსებობდა ლა ლიგის ფინანსური წესები არ იძლევა საშუალებას, რომ მესიმ კარიერა ბარსელონაში გააგრძელოს.

ბარსელონამ არგენტინელ სუპერვასრკვლავს კლუბის განვითარებაში შეტანილი წვლილისთვის მადლობა გადაუხადა და ფეხბურთელს მომავალში წარმატებები უსურვა.

შეგახსენებთ, რომ არგენტინელი ფორვარდი "ლა მასიას" აღზრდილია და ის კატალონიური კლუბის სტრუქტურაში 12 წლის ასაკიდან ირიცხება. ძირითადი გუნდის ღირსებას კი 2005 წლიდან იცავს, რა პერიოდშიც მან ბარსელონას მაისურით საკლუბო დონეზე ყველა შესაძლო ტიტული არაერთხელ მოიგო. მის ანგარიშზე "ლურჯ-ბროწეულისფერთა" ფორმაში 778 მატჩში 672 გოლი და 305 შედეგიანი გადაცემაა.

ლიონელ მესის ბარსელონასთან კონტრაქტი მიმდინარე წლის 30 ივნისს ამოეწურა და ამ დრომდე ის თავისუფალი აგენტი გახლდათ. რამდენიმე კვირის წინ კი ლეომ არგენტინის ეროვნულ ნაკრებში კოპა ამერიკა მოიგო, რაც მის კარიერაში პირველი სანაკრებო ტიტული გახლავთ.

ÚLTIMA HORA

Leo Messi no continuarà lligat al FC Barcelona
— FC Barcelona (@FCBarcelona_cat) August 5, 2021

ოფიციალურად: ლეო მესიმ ბარსელონა დატოვა

უახლესი ამბები