2021 წლის ზაფხულის სატრანსფერო პერიოდში, პსჟ–მ საოცარი შემადგენლობა შეკრიბა. რაც ყველაზე მნიშვნელოვანია, ისეთი ფეხბურთელები, როგორებიც არიან: ლიონელ მესი, სერხიო რამოსი, ჯანლუიჯი დონარუმა და ჯორჯინიო ვეინალდუმი, მათ სრულიად უფასოდ, თავისუფალი აგენტის სტატუსით დაიმატეს.

ლიგა 1–ის ბინადარმა ასევე შეიძინა აჩრაფ ჰაკიმიც, რომელიც წარსულში ჯერ დორტმუნდის ბორუსიას, ხოლო შემდეგ ინტერის ლიდერი იყო და პარიზულ კლუბში, თავი გატანილი გოლითაც უკვე გამოიჩინა.

შემადგენლობის გათვალისწინებით, ყველა თანხმდება, რომ პსჟ ნებისმიერ ტურნირზე ფავორიტია. EA SPORTS–მა კი მესის ტრანსფერის დადასტურების შემდეგ, ახალი პოსტერი გამოაქვეყნა, წარწერით: "უნდა იყოს თუ არა პსჟ ჩვენი პირველი ექვსვარსკვლავიანი გუნდი?"

ექვსი ვარსკვლავის მინიჭების რა მოგახსენოთ, თუმცა FIFA22–ში რომ პსჟ ძალიან ძლიერი და სხვებისგან გამორჩეული გუნდი იქნება, ეს აშკარაა. შეგახსენებთ, რომ მესიმ ლიგა 1–ის ბინადართან გუშინ (2+1) კონტრაქტი გააფორმა და ოფიციალურად დადასტურდა, რომ 30 ნომრიანი მაისურით იასპარეზებს.

უგულშემატკივრე პსჟ–ს Captain–ის პრემიუმ ხარისხის მაისურით!

პსჟ – პირველი ექვსვარსკვლავიანი გუნდი FIFA–ში?!

პარიზელების შემადგენლობა შთამბეჭდავია

უახლესი ამბები