მიუნხენის ბაიერნის პრეზიდენტი, ჰერბერტ ჰაინერი პარი სენ ჟერმენის მიერ ზაფხულში განხორციელებულ ტრანსფერთა სიმრავლეს ეხმაურება.

პარიზულმა კლუბმა თავისუფალი აგენტის სტატუსად მყოფი ლიონელ მესი, სერხიო რამოსი, ჯანლუიჯი დონარუმა, ჟორჟინიო ვეინალდუმი უფასოდ დაიმატა, ასევე განახორციელეს აშრაფ ჰაკიმის ტრანსფერიც.

"ჯერაც ვერ გავრკვეულვარ, ეს ყველაფერი რამდენად შეესაბამება ფინანსურ ფეარ ფლეის. იმის გათვალისწინებით, რომ პსჟ შემადგენლობის განახლებით არის დაკავებული, ყურადღებით უნდა შევისწავლით, თუ რამდენად შეესაბამება ეს ყოველივე უეფას წესებს.

ჩვენ ამ პრინციპის ერთგულები ვართ და ველოდებით, რომ სხვა კლუბებიც ასე მოიქცევიან. პსჟ-ზე დასკვნების გაკეთებას ძალიან არ ვჩქარობ, მაგრამ მათ უკვე ბევრი ტრანსფერი განახორციელეს.

საქმე სატრანსფერო თანხებზე არ არის, არამედ ხელფასში. გავიგე, რომ მესი სუფთა 40 მილიონს მიიღებს, ანუ 80 მილიონს გადასახადების ჩათვლით. პლუს ამას, მათ ჰყავთ ჰაკიმი, რამოსი და დონარუმა,"- Bild-თან აცხადებს ჰაინერი.

უგულშემატკივრე ბაიერნს Captain-ის პრემიუმ ხარისხის მაისურით!

ბაიერნში პსჟ-ს ფინანსურ ფეარ ფლეის საეჭვოდ მიიჩნევენ

პსჟ-ზე დასკვნების გაკეთებას ძალიან არ ვჩქარობ, მაგრამ მათ უკვე ბევრი ტრანსფერი განახორციელეს

უახლესი ამბები