ესპანურ მედიაში გავრცელებული ინფორმაციის თანახმად, კატალონიის ბარსელონას ფორვარდს, მარტინ ბრაითვეითს ტრავმის გამო 3-4 თვე გაუცდება.

როგორც ცნობილი ხდება, 30 წლის თავდამსხმელს მუხლის ტრავმა აწუხებს, რის გამოც ის დიდი ალბათობით მიმდინარე წელს მოედანზე ვეღარ გავა.

ამგვარად, "ლურჯ-ბროწეულისფრებს" თავდასხმის ხაზში მხოლოდ სამი ჯანმრთელი ფეხბურთელი რჩება. ესენი არიან მემფის დეპაი, იუსუფ დემირი და ლუკ დე იონგი. ხოლო, ტრავმირებულთა შორის არიან სერხიო აგუერო, ანსუ ფატი და უსმან დემბელე.

მოსალოდნელია, რომ დანიელ ფორვარდს დღეს, 12 სექტემბერს სრულფასოვანი სამედიცინო გამოკვლევა ჩაუტარდება და ტრავმის სიმძიმე საბოლოოდ ცნობილი გახდება.

ბრაითვეითი ბარსელონას გასული წლის ზამთრის სატრანსფერო ფანჯრის დროს, ლეგანესიდან შეუერთდა და კატალონიელთა მაისურით ჩატარებულ 56 შეხვედრაში თავი ათი გატანილი გოლით და ხუთი შედეგიანი გადაცემით გამოიჩინა.

შეგახსენებთ, რომ "ბლაუგრანა" უახლოეს მატჩს უეფას ჩემპიონთა ლიგაზე გამართავს. 14 სექტემბერს, ჯგუფური ეტაპის პირველი ტურის ეგიდით, ბარსელონა "კამპ ნოუზე" მიუნხენის ბაიერნს უმასპინძლებს.

🚨🚨🚨[ @gerardromero🥇] | Martin Braithwaite left the training today and he is expected to be OUT for a 3-4 months due to knee and cartilage problems. pic.twitter.com/i5S10EFT3B
— BarçaTimes (@BarcaTimes) September 12, 2021

უგულშემატკივრე ბარსელონას Captain-ის პრემიუმ ხარისხის მაისურით!

ბარსელონას ბრაითვეითი წლის ბოლომდე გამოაკლდა

დანიელ ფორვარდს მუხლის ტრავმა აწუხებს

ბარითვეითს 3-4 თვე გაუცდება

უახლესი ამბები