გიორგი მამარდაშვილს ვალენსიაში კარგი პერიოდი არ აქვს. ქართველმა გოლკიპერმა ბოლო მატჩებში რამდენიმე შეცდომა დაუშვა.

არაა გამორიცხული, რომ ბორდალასმა ის ბილბაოს ატლეტიკთან მოახლოებულ შეხვედრაში არ ათამაშოს.

ესპანური Marca 20 წლის კიპერის შესახებ მორიგ სტატიას ავრცელებს:

„მამარდაშვილი 2 თვის წინ ვერც კი წარმოიდგენდა სად იქნებოდა. 20 წლის მეკარე თავდაჯერებული იყო რომ არა ბოლო მატჩები, სადაც თავი შეცდომებმა იჩინა, რითაც სილესენს ბილბაოს წინააღმდეგ გასამართ შეხვედრაში შანსი გაუჩინა.

მცირე ასაკში, ფეხბურთის სამყაროში და მითუმეტეს, ასეთ კონკურენტუნარიან ლიგაში, ახალგაზრდა მეკარე და მისი გარშემომყოფები ცდილობენ საკუთარ თავში იზოლირდნენ და არსებული მდგომარეობა პოზიტიურად შეცვალონ.

მამარდაშვილი მიხვდა თუ როგორია ზეწოლა ამ ლიგაში, ის ახლა სწავლის ფაზაშია და პირველ ნაბიჯებს დგამს, სწავლის პროცესში შეცდომების დაშვება კი ნორმალურია“, - წერს გამოცემა.

შეგახსენებთ, მამარდაშვილი თბილისის დინამოს საკუთრებაა და ის „ღამურების“ ბანაკში იჯარის წესით ირიცხება. მამარდაშვილმა ლა ლიგის 6 ტურში მიიღო მონაწილეობა.

„ის მიხვდა თუ როგორია ზეწოლა ამ ლიგაში“

Marca მამარდაშვილს მორიგ სტატიას უძღვნის

ასევე იხილეთ

უახლესი ამბები