საბერძნეთის ეროვნული ნაკრების და პირეოსის ოლიმპიაკოსის შემტევი, გეორგიოს მასურასი გულშემატკივრებმა გამოკითხვის შედეგად ევროპა ლიგის მეორე ტურის საუკეთესო ფეხბურთელად დაასახელეს.

აღნიშნულ ინფორმაციას უეფას ოფიციალური ვებგვერდი ავრცელებს.

მასურასმა ფენერბაჰჩესთან სტუმრად მოგებულ (3:0) შეხვედრაში დუბლი მიითვალა და ერთი საგოლე გადაცემა შეასრულა.

მიმდინარე სეზონში ბერძენმა რვა მატჩი ჩაატარა, გაიტანა ოთხი გოლი და სამჯერ თანაგუნდელებს გაუკეთა შედეგიანი გადაცემა.

ევროპა ლიგაზე ოთარ კიტეიშვილის შტურმიც გამოდიოდა, რომელიც პსვ-სთან დამარცხდა. ქართველმა ტრავმა მიიღო და ის მიმდინარე წელს მოედანზე ვერ გავა.

მასურასი საუკეთესოდ დასახელდა

მან მეტოქეს 2 გოლი გაუტანა

ასევე იხილეთ

უახლესი ამბები