დორტმუნდის ბორუსიას ახალგაზრდა თავდამსხმელ, ერლინგ ჰალანდს უამრავი მსურველი ჰყავს, თუმცა როგორც მისი აგენტი, მინო რაიოლა აცხადებს, მსოფლიოში დღეისათვის სულ რამდენიმე კლუბია ისეთი, რომელსაც ფინანსური თვალსაზრისით მისი შეძენა და შემდეგ შენარჩუნება/შენახვა შეუძლია.

ერთ-ერთ ასეთად მანჩესტერ სიტის ასახელებენ. ბრიტანული გამოცემების ცნობით, "ქალაქელები" ამ ტრანსფერზე მუშაობის დაწყებას, იანვარშივე აპირებენ. ბორუსიელთა ხელმძღვანელებს კი სურთ, რომ ფეხბურთელი მინიმუმ მიმდინარე სეზონის ბოლომდე შეინარჩუნონ. ამ საკითხზე დორტმუნდის გერმანელმა მცველმა, მეტს ჰუმელსმაც ისაუბრა და ახალგაზრდა თანაგუნდელს რჩევა მისცა.

იმ შემთხვევაში თუ ის დარჩენას გადაწყვეტს, მე მას შესანიშნავად გავუგებ, რადგან დორტმუნდის ბორუსიაში ის ბრწყინვალედ გამოიყურება და უმაღლეს დონეზე ასპარეზობს. მისი სათამაშო სტილი, ამ გუნდს 100 პროცენტით ერგება, რაც ჰალანდს საშუალებას აძლევს, თავისი შესაძლებლობები სრულად გამოავლინოს.

მე არ ვკარგავ იმედს, რომ ის აქ დიდხანს დარჩება, თუმცა ყველაფრის მიუხედავად, მინდა რჩევა პირადი გამოცდილების გათვალისწინებით მივცე და ვუთხრა, რომ დიდი ნაბიჯის გადადგმა, ხშირად ფეხბურთელის კარიერისთვის წარმატების მომტანი არ არის. ამიტომ, გადაწყვეტილების მიღებამდე, კარგად უნდა დაფიქრდეს.

დიდი ალბათობით, ჰუმელსი სწორედ მის ბაიერნში გადასვლას გულისხმობს. მოგეხსენებათ, რომ ის წარსულშიც დორტმუნდის ერთ-ერთი გამორჩეული მოთამაშე და ლიდერი იყო, თუმცა 2016 წელს მიუნხენის ბაიერნში გადავიდა, საიდანაც სამი წლის შემდეგ, კვლავ შავ-ყვითლებს დაუბრუნდა.

უგულშემატკივრე დორტმუნდს Captain-ის პრემიუმ ხარისხის მაისურით!

ჰუმელსი ჰალანდს რჩევას აძლევს

მეტს ჰუმელსს სჯერა, რომ ჰალანდი დორტმუნდში დარჩება

ასევე იხილეთ

უახლესი ამბები