ახალი სეზონიდან, რომას სათავეში პორტუგალიელი სპეციალისტი – ჟოზე მოურინიო უდგას. მას სურს, რომ იანვრის სატრანსფერო პერიოდში, იტალიურმა კლუბმა რამდენიმე ტრანსფერი განახორციელოს. FOOTBALL-ITALIA–ს ცნობით, "განსაკუთრებული" კატალონიის ბარსელონას 22 წლის ესპანელი ნახევარმცველით – რიკი პუჩით მოხიბლულია.

როგორც ზემოთხსენებული წყარო წერს, ჟოზეს სურვილია პუჩი იანვრის სატრანსფერო პერიოდში "მგლების" შემადგენლობაში იხილოს. იტალიელები თავდაპირველად ეცდებიან, რომ "ბლაუგრანას" ხელმძღვანელები იჯარაზე დაითანხმონ.

პუჩი ბარსელონას აღზრდილია და მთავარ გუნდში, 2020 წლის ზაფხულიდან ირიცხება. მისი ამჟამინდელი კონტრაქტი 2023 წელს იწურება. Transfermarkt–ს შეფასებით კი ფეხბურთელის ღირებულება დღეისათვის 15 მილიონი ევრო გახლავთ.

2021–22 წლების სეზონში, რიკიმ "ბარსას" მაისური სულ ოთხჯერ მოირგო. მინდორზე ჯამში 72 წუთი გაატარა და საგოლე გადაცემის შესრულებით ან გოლის გატანით, თავი არ გამოუჩენია.

უგულშემატკივრე რომას Captain–ის პრემიუმ ხარისხის მაისურით!

მოურინიოს რომაში ბარსელონას ფეხბურთელის ხილვა სურს

ჟოზე რიკი პუჩით მოხიბლულია

ასევე იხილეთ

უახლესი ამბები