როჯერ გედეში 2017-2018 წლების სეზონის დასაწყისში ვერ წარმოიდგენდა, რომ პალმეირასის დატოვება თანაგუნდელებთან დაპირისპირების გამო მოუწევდა.

ყველაფერი ისე განვითარდა, რომ ის იძულებული გახდა ქალაქ სან-პაულუდან აბარგებულიყო და კარიერა სხვაგან გაეგრძელებინა.

რა მოხდა ვარჯიშზე, რომელიც საბოლოოდ, დაპირისპირებაში გადაიზარდა ვიდეოშიც კარგად ჩანს:

ინციდენტიდან რამდენიმე კვირაში როჯერი ESP-ის ერთ-ერთ გადაცემაში მივიდა და ყველაფერი დეტალურად ახსნა. მისი თქმით, თანაგუნდელებისთვის კარგად ჰქონდა ახსნილი, რომ დერეფანში გავლასა და მათი დარტყმების მოგერიებას არ აპირებდა.

მისი ნათქვამი არც ფელიპე მელომ შეისმინა და არც სხვა მოთამაშეებმა უდგეს ყური, რამაც აღნიშნული შედეგი გამოიწვია.

პალმეირასის დატოვების შემდეგ, ის შანდონ ლუნენის ბანაკში გადაბარგდა. ჩინეთის ჩემპიონატში კარგა ხანს იასპარეზა და 2021-2020 წლების სეზონის დაწყებამდე კორინთიანსს შეუერთდა.

სანამ მთავარ ამბავზე გადავალთ გეტყვით, რომ ლუნენის ღირსებას ფელაინი და სხვა წარმატებული ფეხბურთელებიც იცავდნენ.

ახლა კი, გასულ თვეში მომხდარ ფაქტზე უნდა გავამახვილოთ ყურადღება, რომელიც გედეშისთვის პალმეირასის პასუხად არის მიჩნეული.

ბრაზილიის ჩემპიონატის 22-ე ტურში კორინთიანსი პალმეირასს შეხვდა და 2:1 დაამარცხა.

მასპინძლების რიგებში გედეში ასპარეზობდა, რომელმაც საკუთარი შესაძლებლობების ბოლომდე გამოვლენა მოახერხა.

მან მე-20 და 84-ე წუთზე გაიტანა - უნდა ითქვას, რომ 45-ე წუთზეც შეაგდო, მაგრამ თამაშგარე დაფიქსირდა.

როჯერმა ყოფილ გუნდს და იქ შემორჩენილ ექს-თანაგუნდელებს 2017 წლის აპრილში მომხდარი ფაქტისთვის „სამაგიერო“ გადაუხადა.

პასუხი დამცირებისთვის, პასუხი ტკივილისთვის! - გედეშმა პალმეირასი „დააჩოქა“

უახლესი ამბები