არგენტინის ეროვნული ნაკრებისა და პარი სენ-ჟერმენის თავდამსხმელმა, ლიონელ მესიმ საკუთარ მომავალზე ისაუბრა და აღნიშნა, რომ თუ შესაძლებლობა მიეცემა, ბარსელონაში აუცილებლად დაბრუნდება.

ბარსელონაში დაბრუნება? რა თქმა უნდა. ყოველთვის ვამბობდი, რომ კლუბის დახმარება მსურს. ჩემი სურვილია, რომ მომავალში სპორტული დირექტორი გავხდე. არ ვიცი იქნება თუ არა ეს ბარსელონა, მაგრამ თუ შესაძლებლობა მომეცემა, რომ ეს სწორედ იქ გავაკეთო, ჩემს წვლილს კლუბის განვითარებაში სიამოვნებით შევიტანდი. მიყვარს ბარსელონა და მსურს, რომ ნებისმიერი გზით დავეხმარო, რათა კლუბმა ზრდა განაგრძოს და მსოფლიოში ერთ-ერთი საუკეთესო იყოს, - განაცხადა არგენტინელმა.

Messi: I'd like to be Barça sporting director https://t.co/A2k8ECtw7q
— SPORT English (@Sport_EN) November 1, 2021

შეგახსენებთ, რომ ლიონელ მესი ბარსელონას საფეხბურთო აკადემიაში 2000 წელს, 13 წლის ასაკში ჩაირიცხა. 2004 წელს კი მას პირველი გუნდის შემადგენლობაში დებიუტი ჰქონდა. 16 წლის, ოთხი თვისა და 23 დღის ასაკში, ლეომ პორტუსთან ამხანაგურ შეხვედრაში ითამაშა, რის შემდეგაც მან ოფიციალურ მატჩებშიც ითამაშა და 2004/05 წლების სეზონში ჯამში ცხრა შეხვედრაში მიიღო მონაწილეობა და ერთი გოლი გაიტანა.

17 წლის განმავლობაში ლეო მესიმ "ლურჯ-ბროწეულისფერთა" მაისურით 800-მდე მატჩი ჩაატარა და აქტივში 672 გოლი და 301 შედეგიანი გადაცემა ჩაიწერა. ბარსელონურ კარიერაში "ლა პულგამ" 35 ტიტული მოიგო, მათ შორის 10-ჯერ ესპანეთის ლა ლიგა და ოთხჯერ უეფას ჩემპიონთა ლიგა. უამრავ რეკორდთან და ინდივიდუალურ ჯილდოსთან ერთად, ლეო 6-გზის "ოქროს ბურთის" გამარჯვებულია.

2021 წლის ზაფხულში, ლიონელ მესიმ კატალონიური კლუბი თავისუფალი აგენტის სტატუსით დატოვა. მიუხედავად იმისა, რომ ბარსელონაც და 34 წლის ფორვარდიჩ კონტრაქტის გახანგრძლივებაზე შეთანხმებულნი იყვნენ, ლა ლიგის სახელფასო წესდებამ მხარეებს გარიგების საშუალება არ მისცა და მესი პარი სენ-ჟერმენში გადაბარგდა.

პარიზელთა მაისურით ლეო მესიმ ჩემპიონთა ლიგაზე სამი გატანილი გოლით გამოიჩინა თავი. ხოლო, ლიგა ერთში ჯერჯერობით უშედეგოდ ასპარეზობს.

უგულშემატკივრე ბარსელონას Captain-ის პრემიუმ ხარისხის მაისურით!

მესი: “ბარსაში დაბრუნება? რა თქმა უნდა”

მესიმ მომავალზე ისაუბრა

არგენტინელს ბარსელონაში დაბრუნება სურს

უახლესი ამბები