ვეინალდუმის კარიერა პარი სენ-ჟერმენში საკმაოდ ცუდად აეწყო. მაურისიო პოჩეტინო ნიდერლანდელ ნახევარმცველს საკმაოდ მცირე სათამაშო დროს აძლევს. არგენტინელი სპეციალისტი, მასზე უფრო ანდერ ერერას ენდობა.

ბოლო დროს, აქტიურად იწერება, რომ პარიზელები მზად არიან, ვეინალდუმი იჯარით გაუშვან. ნიდერლანდელს პრემიერ ლიგაში სურს დაბრუნება, სადაც მის მიმართ ინტერესს არსენალი და ნიუკასლი იჩენენ.

დღეს კი, როგორც Calciomercato-მ დაწერა, პსჟ მზად არის ვეინალდუმი ინტერს შესთავაზოს, ოღონდ სანაცვლოდ, მარსელო ბროზოვიჩის მიღება სურს.

აღნიშნული გარიგება, შესაძლოა, ორივე მხარისთვის მომგებიანი იყოს. პარიზელებს ხორვატი ნახევარმცველის დამატება სურთ, ხოლო თავად ბროზოვიჩს კი კლუბთან კონტრაქტი მიმდინარე სეზონის ბოლომდე აკავშირებს.

შესაბამისად, არც ინტერი უნდა იყოს იმის წინააღმდეგი, რომ მისგან სარგებელი ნახოს. სხვა შემთხვევაში კი, ის "ნერაძურის" თავისუფალი აგენტის სტატუსით დატოვებს.

რაც შეეხება ვეინალდუმს, პსჟ-ს გასულ ზაფხულს, თავისუფალი აგენტის სტატუსით ლივერპულიდან შეუერთდა. პარიზული კლუბის მაისურით ჩატარებულ 20 შეხვედრაში, ნიდერლანდელი სამი გოლითა და ერთი საგოლე გადაცემით გამოირჩა.

უგულშემატკივრე პსჟ-ს Captain–ის პრემიუმ ხარისხის ჰუდით!

პსჟ ინტერს ფეხბურთელების გაცვლას სთავაზობს

მარსელო ბროზოვიჩს ინტერთან კონტრაქტი მიმდინარე სეზონის ბოლომდე აკავშირებს

უახლესი ამბები