დღეს შვეიცარიის ქალაქ ნიონში თბილისის დროით 15:00 საათზე ჩემპიონთა ლიგის მერვედფინალური ეტაპის კენჭისყრა გაიმართა. გუნდები დაწყვილდნენ და საკმაოდ საინტერესო მატჩების მოლოდინი შეიქმნა, თუმცა მოგვიანებით ცნობილი გახდა, რომ დაშვებული ტექნიკური შეცდომის გამო, გუნდების ნაწილმა წილისყრის ხელახლა გამართვა მოითხოვა.

UEFA–მ კლუბებთან მოლაპარაკებების შემდეგ გადაწყვიტა, რომ ჩატარებული კენჭისყრის შედეგები გაუქმდეს და ის ხელახლა გაიმართოს!

ყოველივე ეს კი გარე სერვერის პროვაიდერის პროგრამულ უზრუნველყოფასთან დაკავშირებულმა ხარვეზმა გამოიწვია. ჩემპიონთა ლიგის ახალი კენისყრა დღეს 18:00 საათზე დაიწყება!

მოგახსენებთ, რომ დღეს გამართული კენჭისყრის დროს, ვილიარეალის მეტოქედ კალათიდან მანჩესტერ იუნაიტედი ამოიღეს, რაც არ უნდა მომხდარიყო, რადგან ეს გუნდები ჯგუფურ ეტაპზე ერთ ჯგუფში ასპარეზობდნენ. ასევე შეცდომა გახლდათ ისიც, რომ ატლეტიკოს შესაძლო მეტოქეთა შორის მანჩესტერი არ ფიქსირდებოდა, მაგრამ რეალურად პირიქით უნდა ყოფილიყო.

ჩემპიონთა ლიგის კენჭისყრა ხელახლა ჩატარდება!

ტექნიკური პრობლემის გამო კენჭისყრა ხელახლა გაიმართება

უახლესი ამბები