ბაიერნმა გერმანიის ბუნდესლიგის მე-17 ტურში ვოლფსბურგს უმასპინძლა და პირველი წრე ზამთრის ჩემპიონის სტატუსით დაასრულა.

„რეკორდმაისტერმა“ მეტოქე არ დაინდო და 4 უპასუხო გოლი გაუტანა. გერმანული გრანდი ბუნდესლიგის ლიდერია და დიდი ალბათობით, საჩემპიონო მარათონში კვლავ უკონკურენტო ხდება.

მატჩის მთავარი გმირი რობერტ ლევანდოვსკი გახდა, რომელმაც ბუნდესლიგაში 2021 წელს 43 გოლი გაიტანა და გერდ მიულერის რეკორდი მოხსნა. პოლონელმა ბუნდესლიგის ერთ კალენდარულ წელში ყველაზე მეტი გოლის გატანა მოახერხა.

ძალიან ბედნიერი და ამაყი ვარ, რომ გერდ მიულერის რეკორდი მოვხსენი. პირადად ჩემთვის ეს რთული თამაში იყო.

სივრცე არ იყო, ვოლფსბურგი ძალიან დაცვიდან მოქმედებდა. ძალიან ვამაყობ ამ წლით. ახალ საფეხურზე ავედი.

ემოციებით სავსე მღელვარე წელი უკან მოვიტოვეთ. ახლა ვაპირებ დროის გატარებას ოჯახთან და მეგობრებთან ერთად. ახალ წელს კარგი ატმოსფეროთ უნდა შევხვდეთ.

ლევანდოვსკიმ კრიშტიანუ რონალდუს რეკორდიც გაიმეორა, რაც იმას ნიშნავს, რომ პოლონელმა 2021 წელს 69 გოლი გაიტანა.

რობერტ ლევანდოვსკი: „ახალ საფეხურზე ავედი, დასვენების დროა“

პოლონელმა თავდამსხმელმა მიულერის რეკორდი დაამხო

უახლესი ამბები