ყაზანის რუბინი და ბათუმის დინამო ერთმანეთს ამხანაგურ მატჩში დაუპირისპირდნენ. მატჩის საწყის წუთებში, ხვიჩა კვარაცხელიას რამდენიმე მომენტი შეექმნა, თუმცა პირველ შემთხვევაში დარტყმა არ გამოუვიდა, ხოლო შემდეგ ლაზარე კუპატაძემ მისი სახიფათო დარტყმული მოიგერია. პირველ 45 წუთში, უპირატესობას რუბინი ფლობდა, მაგრამ ტაიმი გატანილი გოლების გარეშე დასრულდა.

მეორე ტაიმი რუბინმა კვარაცხელიას გარეშე დაიწყო. რუსული გუნდის მწვრთნელმა, ქართველი შემტევი შეცვალა. მე–60 წუთზე ყაზანელთა კარის მიმართულებით პენალტი დაინიშნა, რომელიც ჯიღაურმა გოლად აქცია. ხუთ წუთში კი თერთმეტმეტრიანი უკვე რუბინმა მოიპოვა და ანგარიშიც გათანაბრდა 1–1. 70–ე წუთზე საქართველოს ჩემპიონმა მეორე გოლიც გაუშვა. ბოლო წუთებზე ბათუმელებმა გაათანაბრეს და ტაბლოზე საბოლოო ანგარიში 2–2 დააფიქსირეს!

აქვე მოგახსენებთ, რომ ეროვნული ლიგის გამარჯვებულმა სამი ამხანაგური შეხვედრა რუბინთან მატჩამდე ჩაატარა. აჭარლები ჯერ ლეხ პოზნანს დაუპირისპირდნენ და 2–1 დაამარცხეს, შემდეგ რაკოვთან 3–3 დააფიქსირეს, ხოლო ხუთ თებერვალს პარტიზანთან 3–1 დამარცხდნენ.

თავის მხრივ, ბათუმის დიანმოსთან დაპირისპირებამდე, ტესტ–მატჩები გამართული ყაზანელებსაც ჰქონდათ. სლუცკის შეგირდებმა ვორონეხთან უხვგოლიანი ფრე, 4–4 დააფიქსირეს, ხოლო ვისლა პლოკთან და ხიმკისთან ჩატარებული შეხვედრები გატანილი გოლების გარეშე დაასრულეს.

რუბინი 2–2 დინამო ბათუმი

უახლესი ამბები