სპორტული ღონისძიებებისთვის თვალის დევნება ადამიანებისთვის ერთ-ერთი ყველაზე მასშტაბური გასართობი გახლავთ. ზოგიერთისთვის მატჩების, ორთაბრძოლების, რბოლების ან სხვა სახეობების ყურება ერთგვარ ტრადიციასაც კი წარმოადგენს.

სამწუხაროდ, სპორტის ქომაგების უმრავლესობა საყვარელი გუნდის ან სპორტსმენისთვის გულშემატკივრობას პირდაპირ ტრიბუნებიდან ყოველთვის ვერ ახერხებს, თუმცა თანამედროვე ტექნოლოგიები იძლევა საშუალებას, რომ მილიარდობით ადამიანმა ამა თუ იმ ღონისძიებას თვალი ტელევიზორიდან, პირდაპირ ეთერში ადევნოს იქნება ეს სახლში მარტო, ოჯახის წევრებისა თუ მეგობრების გარემოცვაში, კაფე-ბარებში ან ქუჩებში დამონტაჟებულ დიდ ეკრანებზე, ათასობით ქომაგთან ერთად.

წარმოგიდგენთ მსოფლიოში ყველაზე ყურებადი სპორტის სახეობებს, რომლებსაც გულშემატკივრები ღონისძიების ფარგლებში თვალს ტელეეკრანების მეშვეობით ადევნებენ.

10. ბეისბოლი - მსოფლიო სერია

ბეისბოლი ამერიკის შეერთებულ შტატებში ერთ-ერთი ყველაზე ტრადიციული სპორტი გახლავთ, რომლის სეზონიც შემოდგომაზე, მსოფლიო სერიით სრულდება, სადაც 7-მატჩიან დაპირისპირებაში ერთმანეთის წინააღმდეგ ამერიკული ლიგისა და ეროვნული ლიგის გამარჯვებულები ხვდებიან.

2020 წლის მსოფლიო სერია ამ სპორტის ისტორიაში 116-ედ გაიმართა და სწორედ მაშინ დაფიქსირდა ყველაზე მეტი მაყურებელი. სერია, რომელიც ლოს ანჯელეს დოჯერსის გამარჯვებით დასრულდა, მეექვსე მატჩს 14,35 მილიონმა ადამიანმა უყურა.

9. ამერიკული ფეხბურთი - სუპერბოული 2022

14 თებერვლის დილას NFL-ში მორიგი სეზონი ლოს ანჯელეს რამსის ტრიუმფით დასრულდა. კალიფორნიელებმა ფინალურ დაპირისპირებაში ცინცინატი ბენგალსი 23-20 დაამარცხეს და სუპერბოული ისტორიაში მეორედ მოიგეს.

როგორც ცნობილი გახდა, აღნიშნულ დაპირისპირებას დაახლოებით 117 მილიონმა ადამიან მიადევნა თვალი პირდაპირ ეთერში, რაც სპორტის ამ სახეობას მაყურებლის მხრივ მე-9 პოზიციაზე აყენებს.

8. ფეხბურთი - უეფას ჩემპიონთა ლიგა

ფეხბურთი მსოფლიოში ყველაზე პოპულარული სპორტის სახეობა გახლავთ და განსაკუთრებულ ყურადღებას ყოველთვის იქცევს უეფას ჩემპიონთა ლიგა - ევროპის ყველაზე პრესტიჟული საკლუბო ტურნირი, სადაც საუკეთესო გუნდები ყოველწლიურად პრესტიჟული ტიტულისთვის იბრძვიან.

როგორც ცნობილი ხდება, ამ ტურნირის ფინალურ დაპირისპირებას, რომელსაც 2018 წელს კიევის ოლიმპიურმა სტადიონმა უმასპინძლა, ტელეეკრანებს მიღმა ყველაზე დიდი აუდიენცია ჰყავდა და მადრიდის რეალისა და ლივერპულის დაპირისპირებას თვალი 380 მილიონმა ადამიანმა მიადევნა.

7. კრივი

სპორტის სახეობებს შორის ერთ-ერთი ყველაზე მიმზიდველი კრივი გახლავთ. შესაძლოა, პირველად ყურების შემდეგ, გულშემატკივარში მაინცდამაინც დიდი ინტერესი ვერ გამოიწვიოს, მაგრამ დღითიდღე მისდამი ინტერესი გაიზარდოს და როდესაც დიდი ჩემპიონების დაპირისპირება ცხადდება, ის მსოფლიოს მასშტაბით უდიდეს ყურადღებას იქცევს.

ხშირ შემთხვევებში მაყურებელთა რაოდენობა აქ ფასიანი ტრანსლაციების გაყიდვით იზომება, რის მეშვეობითაც მოკრივეები სოლიდურ თანხებს გამოიმუშავებენ.

მუჰამედ ალი კრივისა და მსოფლიო სპორტის სამყაროში ერთ-ერთი გამორჩეული ფიგურა გახლდათ და „საუკუნის სპორტსმენადაც“ კი იქნა აღიარებული. მისი ბრძოლები მუდამ დიდი პოპულარობით სარგებლობდა და ხშირ შემთხვევებში მაყურებელთა რაოდენობა მილიარდსაც კი აღწევდა.

6. ფეხბურთი - მსოფლიო ჩემპიონატი ქალებს შორის

ქალთა ფეხბურთი ყოველდღიურად სულ უფრო პოპულარული ხდება, უამრავ გულშემატკივარს იძენს და 2019 წელს, საფრანგეთში გამართულმა მსოფლიო ჩემპიონატმა უდიდესი ინტერესი გამოიწვია. ტურნირის ფორმატი მამაკაცთა ტურნირის ანალოგიურია, რომელიც სტარტს ჯგუფური ეტაპით იღებს და ერთთვიანი მარათონი პლეი ოფის რაუნდით სრულდება.

სანაკრებო დონეზე ამ ეტაპზე უძლიერესი ამერიკის შეერთებული შტატების ქალთა ნაკრები გახლავთ, რომელიც მსოფლიო თასის მოქმედი გამარჯვებულია და დიდი ალბათობით ამან განაპირობა, რომ ტურნირს მილიონობით ამერიკელმა მიადევნა თვალი. თუმცა, ინტერესი ამერიკის ფარგლებსაც გასცდა და საერთო ჯამში რეკორდული, 1,12 მილიარდი მაყურებელი ჰყავდა.

საინტერესოა, გაუმჯობესდება თუ არა ეს რიცხვი 2023 წელს გასამართი მსოფლიო ჩემპიონატით?

5. ზამთრის ოლიმპიური თამაშები

მოცემული დროისთვის ზამთრის ოლიმპიური თამაშები პეკინში მიმდინარეობს, რომელიც 4 თებერვალს დაიწყო 20 თებერვალს დასრულდება. ამიტომ, ჯერჯერობით შეუძლებელია რამდენი მაყურებელი ეყოლება ამ შესანიშნავ ღონისძიებას. თუმცა, ჩვენს ათეულში ის 2014 წლის თამაშების მაყურებლების რაოდენობით შევიდა, როდესაც მასშტაბურ ღონისძიებას 2,06 მილიარდმა ადამიანმა უყურა.

4. ზაფხულის ოლიმპიური თამაშები

ეჭვგარეშეა, რომ ზაფხულის ოლიმპიური თამაშები ერთ-ერთ ყველაზე მოსალოდნელ სპორტულ ღონისძიებად ითვლება. მისი მასშტაბები შეუზღუდავია, ასადაც გულშემატკივარს საშუალება ეძლევა სხვადასხვა სპორტულ სახეობას თვალი ადევნოს და საკუთარ ქვყანას უგულშემატკივროს.

ზაფხულის თამაშების ფარგლებში სპორტსმენები არაერთ ისტორიულ მოვლენებს გვჩუქნიან პირადი მიღწევებით, რეკორდებით, ძალისა და გამძლეობის თუ ეროვნული სიამაყის წარმოჩენით.

ამიტომ არის, რომ ოთხ წელიწადში ერთხელ ოლიმპიურ თამაშებს მსოფლიოს გამორცეული ქალაქები მასპინძლობენ და მათი ტელევიზიით გლობალური გაშუქება საშუალოდ ორ მილიარდ მაყურებელს აღწევს.

3. კრიკეტი - მსოფლიო თასი

ჩრდილოამერიკელები შესაძლოა გაოცებულნი დარჩნენ, როდესაც აღმოაჩენენ, რომ კრიკეტი მსოფლიოს მასშტაბით ერთ-ერთ ყველაზე საინეტესო სპორტულ ღონისძიებეს შორის ხვდება. თუმცა, სპორტის ამ სახეობის გულშემატკივრებს კარგად მოეხსენებათ, რომ ის მსოფლიოს ბევრ ქვეყანაშია ძალიან პოპულარული.

კრიკეტის მსოფლიო ჩემპიონატი საერთაშორისო ტურნირი გახლავთ, რომელშიც ექვსი ნაკრები მონაწილეობს და ექვს კვირაზე ცოტა მეტი გრძელდება და ისევე, როგორც სპორტის ბევრ სახეობაში, კრიკეტის მსოფლიო ჩემპიონატიც ოთხ წელიწადში ერთხელ იმართება.

ინგლისისა და უელსის ორგანიზებით გამართულმა 2019 წლის მსოფლიო თასმა მაყურებლის მხრივ ახალი რეკორდი დაამყარა, რომელსაც 2,6 მილიარდმა ადამიანმა უყურა.

2. ფეხბურთი - მსოფლიო ჩემპიონატი

ისევე, როგორც ზაფხულის ოლიმპიური თამაშები, ფეხბურთის მსოფლიო ჩემპიონატიც პოპულარობის მწვერვალზე დგას. ტურნირში მონაწილე 32 ეროვნული ნაკრები (რომელიც 2026 წლისთვის 48-მდე გაიზრდება) ჩემპიონის ტიტულისთვის ოთხ წელიწადში ერთხელ იბრძვის.

1950 წლის ფინალური მატჩი ბრაზილიასა და ურუგვაის შორის დღემდე რეკორდულად ითვლება, რომელსაც დახურულ სტადიონზე ყველაზე მეტი, 199 854 ადამიანი დაესწრო. თუმცა, ტელეეკრანებიდან მაყურებელთა რაოდენობის მხრივ რეკორდული 2018 წლის მუნდიალი გახლავთ, რომელსაც თვალი დედამიწის თითქმის ნახევარმა, 3,262 მილიარდმა ადამიანმა მიადევნა.

1. ველორბოლა - ტურ დე ფრანსი

ველორბოლის გამორჩეული ღონისძიება ყოველწლიურია და მას ზაფხულობით საფრანგეთი მასპინძლობს. გარდა იმისა, რომ „ტურ დე ფრანსი“ სპორტის ამ სახეობაში ყველაზე პრესტიჟულია, ის ერთ-ერთი ყველაზე რთული ტურნირი გახლავთ, რომელიც 21 ეტაპპისგან შედგება, 23 დღის განმავლობაში გრძელდება და მრბოლელებს საერთო ჯამში 3540.5 კილომეტრის დაფარვა უწევთ.

1903 წლიდან დაწყებული „ტურ დე ფრანსი“ მსოფლიო სპორტში ერთ-ერთ ყველაზე მსხვილ სპორტულ ღონისძიებად იქცა და დღევანდელი სტატისტიკით მას ყოველწლიურად თვალს 3,5 მილიარდი ადამიანი ადევენებს.

TOP 10 - ყველაზე ყურებადი ტურნირი მსოფლიოში

უახლესი ამბები