20 იანვარს, ესპანეთის ლა ლიგის 25-ე ტურის ეგიდით, კატალონიის ბარსელონა "მესტალიაზე" ვალენსიას ესტუმრა და 4-1 იმარჯვა.

აღნიშნული დაპირისპირების პირველი ტაიმი ბარსელონამ პიერ-ემერიკ ობამეიანგის დუბლით და ფრენკი დე იონგის გოლით 3-0 მოიგო. ხოლო, მეორე ტაიმში გუნდებმა თითო გოლი გაცვალეს. ჯერ ანგარიშის შემცირება კარლოს სოლერმა შეძლო. ტაბლოზე საფინალო ანგარიში კი გაბონელმა ფორვარდმა დააფიქსირა და საბოლოო ჯამში მას ჰეთ-თრიკი დაუფიქსირდა.

მატჩის შემდგომ პრესკონფერენციაზე კატალონიელთა მთავარმა მწვრთნელმა, ჩავი ერნანდესმა აღნიშნა, რომ გუდის ცენტრალურმა მცველმა, ერიკ გარსიამ მცირე დაზიანებით ითამაშა, რის გამოც ფეხბურთელმა მონაწილეობა მხოლოდ პირველ ტაიმში მიიღო.

ცოტა ხნის წინ კი ცნობილი გახდა, რომ ახალგაზრდა ესპანელ მცველს მუხლის არეში მცირე დაზიანება აღენიშნება, რომელიც მძიმე ტრავმა არ გახლავთ და ის მოედანზე დაბრუნებას დაახლოებით 1-2 კვირის შემდეგ შეძლებს.

აქვე დავძენთ, რომ უახლოესი მატჩი კატალონიურ კლუბს უეფას ევროპა ლიგაზე ელის, სადაც 1/16-ფინალური ეტაპის განმეორებით შეხვედრაში ბარსელონა ნაპოლის ესტუმრება. შეგახსენებთ, ამ გუნდების პირველი მატჩი "კამპ ნოუზე" ფრედ, 1-1 დასრულდა.

ვალენსიასთან მოპოვებული მნიშვნელოვანი გამარჯვებით, ბარსელონა მადრიდის ატლეტიკოს ქულებით კი გაუთანაბრდა, თუმცა ურთიერთშეხვედრებში უპირატესობას "ბლაუგრანა" ფლობს და ამიტომ, ჩავის გუნდი ლა ლიგის სატურნირო ცხრილში მეოთხე ადგილს დაუბრუნდა.

[html]

Injury update 👇https://t.co/B0P9YRoCaG
— Football España (@footballespana_) February 21, 2022

[/html]

ერიკ გარსია ტრავმირებულია

გარსიას დაახლოებით 1-2 კვირა გაუცდება

უახლესი ამბები