ლივერპულის მცველმა, ჯო გომესმა სტაბილური სათამაშო პრაქტიკის ძებნაში შეიძლება კლუბი შეიცვალოს.

იანვარში იყო, როდესაც ასტონ ვილას დამრიგებელი, სტივენ ჯერარდი 24 წლის ინგლისელის იჯარით აყვანას ცდილობდა, მაგრამ წარმატებას ვერ მიაღწია, რადგან იურგენ კლოპმა გომესის გაშვებაზე უარი განაცხადა.

Football Insider-ის თანახმად, ბირმინგემელები ჯო გომესის გადაყვანას ზაფხულშიც შეეცდებიან. წყაროს ცნობით, გომესის ტრანსფერი ასტონ ვილასთვის პრიორიტეტი გახდება.

გომესი ლივერპულში 2015 წლის ზაფხულში გადავიდა. ინგლისელმა მცველმა თითქმის შვიდი წლის განმავლობაში მერსისაიდელებთნ 134 მატჩი ჩაატარა და 4 შედეგიანი გადაცემა შეასრულა.

დაახლოებით ორი თვის წინ ინგლისელი მცველის სახელმა გაიჟღერა მადრიდის რეალთან მიმართებითაც.

ჯერარდი ჯო გომესის გადაბირებას კვლავაც შეეცდება

გომესის ტრანსფერი ასტონ ვილასთვის პრიორიტეტი გახდება

უახლესი ამბები