საქართველოს ეროვნული ნაკრების მთავარმა მწვრთნელმა ვილი სანიოლმა საზოაგდოებრივი მაუწყებლის გადაცემა ტაიმ-აუტში არაერთ საკითხზე ისაუბრა.

სანიოლის თქმით, მას შემდეგ, რაც ჯაბა კანკავამ სანაკრებო კარიერა დაასრულა, ნაკრებს გურამ კაშიას სახით ახალი კაპიტანი ეყოლება.

"წინ ორი ამხანაგური მატჩი გველის, მაგრამ როცა საქმე ნაკრებს ეხება, ბოლომდე ამხანაგურიც ვერ არის ეს მატჩები. ყველა მატჩი მნიშვნელოვანია, სერიოზული მიზნები გვაქვს და უნდა მოვემზადოთ.

1 წელია, რაც საქართველოს ნაკრების მწვრთნელი ვარ. ამ დროის განმავლობაში თავის გამოჩენის საშუალება არაერთ ფეხბურთელს მივეცი, მათ შორის ეროვნული ლიგიდანაც. ჩემთვის არ აქვს მნიშვნელობა სად თამაშობ და რამდენი წლის ხარ. ჩემთვის მთავარია, რას ვიხილავ მოედანზე. ჯანო ანანიძესა და ლევან მჭედლიძეს კარგად ვიცნობ. ვიცი, რომ ორივეს ტრავმები ჰქონდათ. თუ კარგ ფორმაში იქნებიან, მოხვდებიან ნაკრებში.

გუნდში დისციპლინა უმნიშვნელოვანესია. ამას მხოლოდ მე, ვილი სანიოლი არ ვამბობ. შევხედოთ ევროპის ტოპ-კლუბებს, ყველა მწვრთნელი იტყვის, რომ დისციპლინის გარეშე შედეგი არ მოდის. ადრე გვაკლდა დისციპლინა, დღეს სხვა სიტუაციაა.

ვინ იქნება ნაკრების კაპიტანი? ალბათ არ გაგიკვირდებათ, რომ ეს გურამ კაშიაა. მას აქვს ყველაფერი, რომ იყოს კაპიტანი მოედანსა და მის მიღმა. ვიცე-კაპიტანი კი ნიკა კვეკვესკირია", - თქვა სნაიოლმა.

საქართველოს ნაკრებს ახალი კაპიტანი და ვიცე-კაპიტანი ჰყავს

ჯაბა კანკავამ სანაკრებო კარიერა დაასრულა

სანიოლმა სიახლეებზე ისაუბრა

უახლესი ამბები