ჩემპიონთა ლიგის მეოთხედფინალის პირველ მატჩში, ვილიარეალმა მიუნხენის ბაიერნს "კერამიკა - ელ მადრიგალზე" უმასპინძლა და ბევრისთვის მოულოდნელად 1:0 დაამარცხა. გამარჯვებული გუნდის დამრიგებელმა, უნაი ემერი მატჩის შემდეგ აცხადებდა, რომ მისი გუნდი ბაიერნის დამარცხებას კიდევ შეეცდება, რომ 1:0 გამარჯვება ცოტაა.

დიახ, პროფესიონალიზმი ცხოვრებისეულად მნიშვნელოვანია. მაგრამ ფეხბურთი - ეს არის სენტიმენტალობა. ასე რომ, ძალიან ვამაყობ, რომ ჩვენი გულშემატკივრები ასე გავაბედნიერე.

ჩემი გუნდი მეტად კონკურენტუნარიანია. უამრავ ბრწყინვალე მოგონებას და მოვლენას ვაგროვებთ და ვაგროვებდით მიმდინარე სეზონში და განვლილში. დღეს ის პრაქტიკულად იდეალური იყო.

მომავალ კვირას წინ კიდევ ერთი ნაბიჯი უნდა გადავდგათ. საკუთარი თავისგან უფრო მეტი უნდა მოვითხოვოთ.

დღევანდელი კარგი თამაშით არ შემოვიფარგლებით. ბაიერნის დამარცხებას კიდევ შევეცდებით.

1:0 გამარჯვება ცოტაა. ბაიერნი ფავორიტია. მისთვის წაგება არანორმალურია. შეგვიძლია გავიხაროთ, მაგრამ ფრთხილად უნდა ვიყოთ.

წინ კიდევ 90 წუთია და ბაიერნის დამარცხება მინდა. მეწყინება, თუ დღევანდელი კარგი მატჩის მიუხედავად, ამის მიღწევას ვერ შევძლებთ," - უნაი ემერის ციტირებს უეფას გვერდი.

ჩემპიონთა ლიგის მეოთხედფინალის განმეორებითი მატჩი 12 აპრილს მიუნხენის "ალიანც არენაზე" გაიმართება.

უნაი ემერისთვის 1:0 გამარჯვება ცოტაა

ემერი ბაიერნის დამარცხებას კიდევ შეეცდება

უახლესი ამბები