უკრაინის საფეხბურთო ნაკრები მსოფლიო ჩემპიონატის საკვალიფიკაციო ეტაპის ნახევარფინალშია, სადაც შოტლანდიის ეროვნულ გუნდს უნდა შეხვდეს.

ქვეყანაში არსებული საომარი ვითარების გამო აღნიშნული მატჩი გადაიდო და დიდი ალბათობით, ივნისში ჩატარდება. ირკვევა, რომ უკრაინის ნაკრები მზადებას იწყებს.

ოლეკსანდრ პეტრაკოვმა, რომელიც უკრაინის ნაკრების მთავარი მწვრთნელია, განაცხადა, რომ თავდაპირველად ლეგიონერების გამოძახებას არ გეგმავს. ის შეკრების საწყის ეტაპზე ადგილობრივებს დააკვირდება.

კარგად ვიცნობ კიევის დინამოსა და დონეცკის შახტარის მოთამაშეებს და ვხედავ, რაოდენ რთულ მდგომაროებაში არიან ისინი. კარგია, რომ ისინი ადრევე შეიკრიბნენ და მზადებას ნულიდან არ დაიწყებენ.

თავიდან ლეგიონერებს არ გამოვიძახებ. ვარჯიშებს რომელიმე ევროპულ ქვეყანაში ფიფას დახმარებით გავმართავთ, - თქვა მან.

შეგახსენებთ, შოტლანდიასა და უკრაინას შორის გამარჯვებული ფინალურ ეტაპზე უელსს დაუპირისპირდება.

უკრაინა მზადებას იწყებს! - მატჩი შოტლანდიასთან

შეკრება 28 აპრილს დაიგეგმა

ასევე იხილეთ

უახლესი ამბები