დღეს, 4 მაისს, „სანტიაგო ბერნაბეუზე“ მადრიდის რეალსა და მანჩესტერ სიტის შორის ნახევარფინალური ეტაპის საპასუხო მატჩი გაიმართება და მეორე ფინალისტი გამოვლინდება.

შეგახსენებთ, რომ გუშინ, ორრაუნდიან დაპირისპირებაში ლივერპულმა ვილიარეალი 5-2 (2-0; 3-2) დაამარცხა და პარიზული ფინალის საგზური მოიპოვა.

პირველი მატჩისგან განსხვავებით, მადრიდის რეალი ჩემპიონთა ლიგის მატჩს უკვე ესპანეთის ჩემპიონის რანგში შეხვდება. გასულ უქმეებზე „სამეფო კლუბმა“ ლა ლიგის 34-ე ტურში ესპანიოლს 4-0 სძლია და ჩემპიონატის დასრულებამდე ოთხი ტურით ადრე ტიტული ოფიციალურად გაიფორმა.

[html]

A seven-goal thriller in Manchester! 🎇

How will the decider go?#UCL pic.twitter.com/qUKIhPitd3
— UEFA Champions League (@ChampionsLeague) May 4, 2022

[/html]

რაც შეეხება მანჩესტერ სიტის, პეპ გუარდიოლას გუნდს ბრძოლა კვლავ ორ ფრონტზე უწევს. პრემიერლიგაში კი ლიდერობენ, თუმცა უახლოეს მდევარ ლივერპულს მხოლოდ ერთი ქულით უსწრებენ. გასულ უიქენდზე „ქალაქელებმა“ გასვლითი შეხვედრა ლიდს იუნაიტედის წინააღმდეგ ჩაატარეს „ფარშევანგებს“ ოთხი უპასუხო გოლი გაუტანეს.

მადრიდის რეალმაც და მანჩესტერ სიტიმაც ჩემპიონთა ლიგის მიმდინარე სეზონში ჯგუფური ეტაპი მარტივად გაიარეს და ორივე გუნდი ფლეი ოფში პირველი ადგილით გავიდა. მერვედინალში „სამეფო კლუბმა“ პარი სენჟერმენი დაამარცხა, ხოლო მეოთხედფინალიდან გათამაშებას მოქმედი ჩემპიონი, ლონდონის ჩელსი გამოთიშა. „ქალაქელებმა“ კი სპორტინგისა და მადრიდის ატლეტიკოს დამარცხება შეძლეს.

სიტი და რეალი ევროტურნირებზე ერთმანეთს მერვედ დაუპირპირდებიან. გასული შეხვედრებიდან ინგლისურმა კლუბმა სამი მატჩის მოგება მოახერხა. ესპანელებმა კი თავის წილ ორი მატჩი მოიგეს. შესაბამისად, ორჯერ ერთამეთში ფრედ ითამაშეს.

კარლო ანჩელოტი (მადრიდის რეალის მთავარი მწვრთნელი): „ფეხბურთელები თავს კარგად გრძნობენ და მოტივირებულნი არიან. წინ მნიშვნელოვანი თამაში გველის და კარგი შანსი გვაქვს კიდევ ერთი ფინალი ვითამაშოთ. ვიცით, რომ წინ რთული თამაში გველის, მაგრამ საკუთარი თავის გვჯერა.

წინ კარგი მატჩი გველის, სადაც ერთმანეთს ორი შესანიშნავი გუნდი დაუპირსპირდება, შესანიშნავი ფეხბურთელებით დაკომპლექტებული. ყოველთვის, როდესაც ჩემპიონთა ლიგის ნახევრფინალში თამაშობ, ამას მხოლოდ სუფთა გულითა და მოტივაციით ვერ გააკეთებ. მართალია, ეს მნიშვნელოვანი კომპონენტია, მაგრამ მხოლოდ ეს საკმარისი არ არის.

არის ინდივიდუალური ასპექტები. ჩემპიონთა ლიგის მოსაგებად გარემოებების ერთობლიობაა საჭირო. თუ გავიმარჯვებთ, ეს არ იქნება ჩვენი მოტივაციის ან ჯადოსნური ატმოსფეროს გამო, ეს იქნება ჩვენი კოლექტიური ერთგულების და ჩვენი ფეხბურთელების ინდივიდუალური თვისებების გამო.

პირველ თამაშში ჩვენი მიდგომა სწორი იყო, მაგრამ ხარისხი უნდა გავაუმჯობესოთ და მათზე ზეწოლა მოვახდინოთ. ძალიან საფუძვლიანი თამაში უნდა ვითამაშოთ. ჩვენ არ ვაპირებთ დაცვაში ჩადგომას, მაგრამ იქნება მომენტები, რომ ჩვენ საჯარიმოსთან უფრო ახლოს მოგვიწევს თამაში. სწორედ ამას ვგულისხმობ "საფუძვლიანში".

პეპ გუარდიოლა (მანჩესტერ სიტის მთავარი მწვრთნელი): „ეს იქნება ორი ძლიერი გუნდის დაპირისპირება და ამაში ერთი კვირის წინ უკვე დავრწმუნდით. ისინი ესპანეთის ჩემპიონები არიან. ჩვენ კი გვსურს, რომ ჩემპიონები აქ გავხდეთ. ერთი კვირის წინ ვთქვი, რომ ნახევარფინალში იმისთვის ვართ, რომ ფინალში ზედიზედ მეორედ გავიდეთ.

ეს 180-წუთიანი დაპირსპირებაა და ახლა ვეცდებით, რაღცები უკეთესობსკენ შევცვალოთ და ესპანეთში ამისთვის ჩამოვედით და ნებისმიერი ფეხბურთელი ამისთვის მზად არის.

პირველი მატჩი საკმაოდ ღია და სანახაობრივი გამოვიდა, სადაც გუნდებმა ერთმანეთშ შვიდი გოლი გაუტანეს. შესაძლოა ანგარიში უკეთესიც ყოფილიყო ან უარესი. კარგია ეს თუ ცუდი, ვიცოდით, რომ ეს მატჩები უფრო მეტი იქმებოდა, ვიდრე ორმატჩიანი დუელი.

შესაძლოა, იმაზე უკეთესები უნდა ვიყოთ, ვიდრე პირველ მატჩში, მაგრამ შეიძლება, უარესადაც ვითამაშოთ, თუმცა გამარჯვება მოვიპოვოთ. ხანდახან იმას ვერ იღებ, რასაც იმსახურებ, ხანდახან კი პირიქით ხდება. უნდა ვეცადოთ, რომ საუკეთესოდ ვითამაშოთ და მატჩი მოვიგოთ“.

სავარაუდო შემადგენლობები:

რეალი: კურტუა - კარვახალი, მილიტაო, ნაჩო, მენდი - მოდრიჩი, კაზემირო, კროოსი - ვალვერდე, ვინისიუსი, ბენზემა

სიტი: ედერსონი - კანსელუ, დიაში, ლაპორტე, ზინჩენკო - როდრი, სილვა, დე ბრუინი - ფოდენი, მაჰრეზი, ჟესუსი

შეხვედრას იტალიელ მსაჯთა ბრიგადა მოემსახურება. მთავარი არბიტრის მოვალეობას კი დანიელე ორსატო შეასრულებს. მატჩი თბილისის დროით 23:00 საათზე დაიწყება.

პრევიუ | მადრიდის რეალი VS მანჩესტერ სიტი

რეალი სიტისთან მატჩს ესპანეთის ჩემპიონის რანგში ხვდება

უახლესი ამბები